Türkiyə prezidenti Rəcəb Tayyip Ərdoğan FETÖ-yə qarşı mübarizəyə görə Azərbaycan prezidenti İlham Əliyevə təşəkkür edib. Azərbaycanda səfərdə olan Türkiyə prezidenti R.T.Ərdoğan bunu prezident İlham Əliyevlə görüşdən sonra keçirilən mətbuat konfransında deyib.
O, bu sahədə hər iki ölkənin Təhsil nazirliklərinin problemləri həll etmək üçün birgə çalışacaqlarını söyləyib.
R.T.Ərdoğan bildirib ki, Dağlıq Qarabağ və Naxçıvan məsələsində üzərinə düşəni edib və etməyə davam edəcək.
Türkiyə prezidenti Naxçıvanla Türkiyə arasında quru yollarınin çətinliyinin aradan qalxdığını, indi bir dəmir yolu çəkməklə nəqliyyat əlaqələrini inkişaf etdirərək bu sahədə daha bir önəmli addım atılacağını vurğulayıb.
O deyib ki, Naxçıvan sakinləri sərhəddəki Türkiyə xəstəxanalarının imkanlarından istifadə edə bilər və buna dəstək veriləcək.
Türkiyə prezidenti deyib ki, NATO sammitində iki ölkənin müştərək problemlərini gündəmə gətirəcək.--0--
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz