Bakı/12.04.18/Turan: Azərbaycanda 11 aprel prezident seçkilərində İlham Əliyev öndə gedir, seçicilərin 86,09 faizi ona səs verib.
Bu barədə aprelin 11-də axşam saatlarında Azərbaycan dövlət televiziyasında MSK sədri Məzahir Pənahov məntəqələrin 65 faizindən gələn məlumatların emalından sonra səsvermənin yekunları haqqında ilkin məlumatları elan edərkən bildirib.
İkinci yerdə seçicilərin 3,4 faiz səsi ilə Qüdrət Həsənquliyev gəlir.
Sərdar Cəlaloğluna seçicilərin 2,97 faizi səs verib.
Daha sonra Zahid Oruc (3,07%), Hafiz Hacıyev (1,51%), Araz Əlizadə (1,4%), Fərəc Quliyev (1,18%) və Razi Nurullayev (0,74%) gəlir.
Əliyev özü xalqa telemüraciətində seçicilərə göstərdikləri etimada görə təşəkkür edib.
"Azərbaycan xalqı sabitliyə, təhlükəsizliyə və inkişafa səs verdi", deyə o bildirib.
Qarabağ münaqişəsinə toxunan Əliyev qeyd edib ki, bu problem yalnız Azərbaycanın ərazi bütövlüyü çərçivəsində həll olunmalıdır.
Azərbaycan böyük energetika və nəqliyyat layihələri həyata keçirir, deyə o, sözünə davam edib. "Azərbaycan dövləti heç vaxt bugünki qədər güclü olmayıb. Biz güclü Azərbaycan qurmuşuq və ölkəmizi daha da möhkəmləndirəcəyik", deyə Əliyev bildirib. -0-
Siyasət
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
-
Azərbaycan prezidentinin xarici siyasət məsələləri üzrə müşaviri Hikmət Hacıyev X platformasındakı hesabında yerləşdirdiyi postda senator Ed Markın COP29-da və Bakıdan qayıtdıqdan sonrakı çıxışlarına cavab verib. Hacızadənin sözlərinə görə, senator öz səfərinin nəticələrini "erməni lobbisinin eşitmək istədiklərinə uyğun şəkildə" təqdim edib.
Rəy yaz