İlham Əliyev və İqor Levitin Rusiyanın Zəngəzur dəhlizinin potensialından istifadə imkanlarını müzakirə ediblər

Bakı/12.06.23/Turan: İyunun 12-də prezident İlham Əliyev Rusiya Federasiyası prezidentinin köməkçisi İqor Levitini qəbul edib.

Görüşdə qeyd edildiyi kimi, Azərbaycanla  Rusiya Federasiyası arasında ikitərəfli münasibətlər müxtəlif sahələrdə, o cümlədən iqtisadi sahədə uğurla inkişaf edir.

Əliyev və Levitin Şimal-Cənub nəqliyyat dəhlizinin inkişafı üzrə birgə səylərin davam etdirilməsi, daşınan yüklərin həcminin artırılması, Azərbaycan ərazisində müvafiq infrastrukturdan, o cümlədən Bakı-Tbilisi-Qars dəmir yolundan istifadə imkanları barədə fikir mübadiləsi aparıblar.

Bununla əlaqədar bildirilib ki, şimal-cənub və şərq-qərb dəhlizlərinin kəsişdiyi Azərbaycan getdikcə nəqliyyat xabına çevrilir.

Həmçinin Rusiyanın Zəngəzur dəhlizinin potensialından istifadə imkanlarının öyrənilməsi məsələləri  müzakirə olunub. Bundan əlavə, Azərbaycanda müasir gəmidüzəltmə potensialı ilə bağlı fikir mübadiləsi aparılıb. 16D06