Bakı/22.12.17/Turan: Avropa İnsan Hüquqları Məhkəməsi Azərbaycan hökumətinə və İlqar Məmmədovun vəkilinə məktub göndərib.
Məktubda deyilir ki, Bakının AİHM-nin İlqar Məmmədovun işi üzrə qərarların icrası ilə bağlı cavabına baxılması üçün Məhkəmənin sədri cənab Qvido Raymondi başda olmaqla, Böyük Palatanın tərkibi təyin edilib.
2018-ci il martın 1-nə qədər tərəflər yazılı şərhlərini AİHM-ə təqdim edə bilərlər. Bu barədə cümə günü İlqar Məmmədovun vəkili Fuad Ağayev öz Facebook səhifəsində yazıb. Beləliklə, Azərbaycan hökumətinə Avropa Şurası tərəfindən sanksiyalar tətbiq edilmədən İlqar Məmmədovun azad edilməsi məsələsini həll etmək üçün yenidən vaxt verilib.
* Azərbaycanda ən məşhur siyasi məhbus, ReAl hərəkatının lideri İlqar Məmmədov 2013-cü ilin yanvarında İsmayıllı şəhərində iğtişaşların təşkili haqqında saxta ittihamla həbs edilib və 7 il müddətinə azadlıqdan məhrum edilib.
Beynəlxalq ictiamiyyət onu siyasi məhbus kimi tanıyıb.
Avropa İnsan Hüquqları Məhkəməsi iki dəfə onun həbsinin ədalətsiz olması barədə qərar qəbul edib. Amma Bakı bu qərarlara məhəl qoymayıb. Bundan sonra Avropa Şurası Azərbaycana qarşı sanksiyaların tətbiqi mexanizmini işə salıb. -02D-
Siyasət
-
Azərbaycan Ombudsmanı yanında Milli Preventiv Qrupun üzvləri 1 saylı Bakı İstintaq Təcridxanasında jurnalistlərə və fəallara baş çəkiblər, xəbəri insan hüquqları müvəkkilinin aparatının mətbuat xidməti yayıb.
-
İsrail Xarici İşlər Nazirliyinin Qüdsdə siyasət məsələləri üzrə direktoru Aliza Bin Nun Azərbaycan XİN-də və Prezident Administrasiyasında danışıqlar aparıb.
-
Hüquq Müdafiəçilərinin Müdafiəsi üzrə Beynəlxalq Observatoriya Azərbaycanda Anar Məmmədlini və digər siyasi məhbusları azad etməyə çağırıb.
-
Mayın 8-də Bakının Xətai Rayon Məhkəməsi seçkilər sahəsində məşhur hüquq müdafiəçisi Anar Məmmədlinin ev dustaqlığına keçirilməsi haqqında vəsatəti təmin etməyib. Bu barədə Turan-a onun vəkili Elmar Süleymanov bildirib. Vəkil qeyd edib ki, müdafiə tərəfi A.Məmmədlinin həbsi üçün heç bir əsas yoxdur.
Rəy yaz