Azərbaycan İnsan Hüquqları Klubu (İHK) ölkədə siyasi məhbuslarla bağlı vəziyyət və sərbəst toplaşmaq azadlığının son pozulması halları ilə bağlı narahatlıqlarını ifadə edib. İHK BMT qurumlarını Azərbaycan üzrə Universal Dövrü İcmal (UPR) vasitəsilə Azərbaycan hökumətinə insan hüquqları ilə bağlı beynəlxalq öhdəliklərini yerinə yetirməsi üçün təzyiqləri artırmağa çağırıb. Bu barədə İHK-nin nümayəndə heyəti bu ilin aprel-may aylarında baş tutacaq Azərbaycanda insan hüquqları praktikasının BMT orqanları tərəfindən təhlili ilə bağlı müzakirələrdən öncə martın 27-də Cenevrədə apardığı danışıqlarda bildirib.
Aprelin 30-da Azərbaycan ikinci dəfə BMT İnsan Hüquqları Şurasının Universal Dövrü İcmalının müzakirə subyekti olacaq. Mayın 3-də isə İqtisadi, Sosial və Mədəni Hüquqlar üzrə Komitə (İSMHK) tərəfindən Azərbaycana baxış keçiriləcək və ölkənin “İqtisadi, Sosial və Mədəni Hüquqlar haqqında Beynəlxalq Pakt”ı (İSMHBP) ratifikasiya etməklə öz üzərinə götürdüyü öhdəliklərə necə əməl etməsi qiymətləndiriləcək.
“Azərbaycanda beynəlxalq insan hüquqları öhdəliklərinin pozulması ilə insan hüquqlarının vəziyyəti son dövrlərdə daha da pisləşib. Biz bu iki dövrü baxışı BMT-nin adıçəkilən əsas qurumları üçün Azərbaycan hökumətinin BMT-yə üzv dövlət olaraq öz atdığı addımlara görə məsul tutulması baxımından mühüm bir imkan hesab edirik”, - İHK sədri Rəsul Cəfərov bildirib.
R.Cəfərov martın 27-də Azərbaycan üzrə Universal Dövrü İcmal öncəsi sessiyada bəyanatla çıxış edərək BMT İnsan Hüquqları Şurasını Azərbaycan hökumətinə “İnsan Hüquqları haqqında Ümumi Bəyannamə” ilə öz üzərinə götürdüyü öhdəliklərə uyğun olaraq sərbəst toplaşmaq azadlığı ilə bağlı qanunvericiliyin, mövcud praktikanın yaxşılaşdırılması və bütün siyasi məhbusların azad olunması ilə bağlı tövsiyələr irəli sürməyə çağırıb.
İHK həmçinin İSMHK-yə hesabat təqdim edərək ölkədə mülkiyyət hüququ və ifadə azadlığı ilə bağlı məlumat verib, həmçinin Azərbaycan hökumətinə İSMHBP-ni imzalamaqla üzərinə götürdüyü öhdəliklərinin yerinə yetirilməsini təmin etmək üçün hansı tədbirlərin görülməsinin lazım olduğu ilə bağlı tövsiyələrini qeyd edib.-03D-
Siyasət
-
BBC: BMT-nin Beynəlxalq Ədalət Məhkəməsi (ICJ) Azərbaycan və Ermənistanın qarşılıqlı iddialarını araşdırmağa razılaşıb. Hər iki ölkə bir-birini Dağlıq Qarabağdakı vəziyyətlə bağlı Bütün Formalı İrqi Ayrı-seçkiliyin Ləğv Edilməsi haqqında Beynəlxalq Konvensiyanı pozmaqda ittiham edir.
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
Rəy yaz