![Açiq mənbələrdən foto.](https://turan.az/resized/media/2023/main/011000056547-750-500-resize.webp)
Açiq mənbələrdən foto.
İrah əhalisinin böyük hissəsi Azərbaycan dilində danışır - Sahibə Qafarova
Bakı/10.01.23/Turan: Yanvarın 9-da Antalyada Asiya Parlament Assambleyasının 13-cü plenar iclası çərçivəsində Azərbaycan və İran parlamentlərinin spikerləri Sahibə Qafarova və Məhəmməd Bağır Qalibafın görüşü keçirilib.
Görüşdə ikitərəfli gündəliyin aktual məsələləri, postmünaqişə dövründə regionda vəziyyət və qarşılıqlı maraq doğuran digər mövzular ətrafında fikir mübadiləsi aparılıb.
Qafarova Azərbaycanın regionda sülh və təhlükəsizliyin təmin edilməsi və əməkdaşlığın inkişaf etdirilməsi istiqamətində təşəbbüsləri haqqında məlumat verib. Görüşdə həmçinin parlamentlərarası münasibətlərin cari vəziyyəti müzakirə olunub, deyə Milli Məclisin məlumatında bildirilir.
Öz növbəsində, IRNA Agentliyinin yaydığı məlumata görə, Qalibaf Azərbaycanın İran İslam Respublikası üçün xüsusi əhəmiyyət kəsb etdiyini bildirib.
Daha sonra İranın yüksək vəzifəli nümayəndəsi "regiondankənar ölkələrin" müdaxiləsinin yolverilməz olduğu və İranın "regionda sərhədlərin heç bir geosiyasi dəyişikliyini" qəbul etməyəcəyi haqqında hamını bezdirən tezisini növbəti dəfə təkrar edib.
"Bizim Azərbaycanla münasibətlərin inkişafı ilə bağlı dəqiq mövqeyimiz var və biz Azərbaycanla ticari və tranzit əlaqələrini inkişaf etdirməyə hazırıq", deyə o bildirib.
Öz növbəsində, Qafarova Qalibafı Azərbaycana səfərə dəvət edib. "Bizi birləşdirən təkcə coğrafiya, ortaq sərhədlər və inanc deyil, həm də İran əhalisinin böyük hissəsinin Azərbaycan dilində danışmasıdır", deyə IRNA Agentliyi Qafarovadan sitat gətirir. --06--
Siyasət
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
-
Sentyabrın 26-sı saat 16:10 radələrində Ermənistan silahlı qüvvələrinin bölmələri Gorus rayonunun Ərəvus yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi
-
Bu gün Bakı Ağır Cinayətlər Məhkəməsində iflic fəal Famil Xəlilovun işi üzrə proses davam edib.
-
Azərbaycan Prezidenti İlham Əliyevin 27 yaşlı oğlu Heydər Əliyev, sentyabrın 26-da ilk dəfə yüksək səviyyəli iqtisadi məsələlər üzrə müşavirədə iştirak edərək, əhəmiyyətli bir ictimai görünüş nümayiş etdirdi. Anası, Birinci vitse-prezident Mehriban Əliyevanın yanında oturan Heydər Əliyevin müşavirəyə qatılması onun dövlət işlərində artan iştirakına dair suallar doğurdu.
Rəy yaz