Bakı/09.03.19/Turan: İran Ermənistan-Azərbaycan Dağlıq Qarabağ münaqişəsinin sülh və danışıqlar yolu ilə ərazi bütövlüyü və sərhədlərin toxunulmazlığı prinsipi əsasında həll edilməsinin tərəfdarıdır. Bu barədə bu gün Tehranda İranın xarici siyasət idarəsinin rəhbəri Cavad Zərif Azərbaycanlı həmkarı Elmar Məmmədyarovla görüşündə bildirib.
Zərif qeyd edib ki, İran Silahlı Qüvvələrinin Baş Qərargah rəisi general-mayor Məhəmməd Baqirinin Azərbaycana səfəri zamanı səsləndirdiyi fikirlər İranın rəsmi mövqeyidir, deyə Azərbaycan XİN-in mətbuat xidmətinin məlumatında deyilir.
Məmmədyarov öz növbəsində İranlı həmkarına Qarabağ nizamlanması üzrə danışıqlar sahəsində vəziyyət haqqında məlumat verib. O, bölgədə sülh, təhlükəsizlik, dayanıqlı inkişaf və rifaha nail olmaq üçün münaqişənin həllinin vacib olduğunu qeyd edib.
Zərif və Məmmədyarov ikitərəfli münasibətlərin gündəliyində duran bir sıra məsələlər, eləcə də turizm və mədəniyyət sahələrində əlaqələrin inkişafı, regional və beynəlxalq təşkilatlar çərçivəsində əməkdaşlıq, o cümlədən YUNESKO çərçivəsində əməkdaşlığın genişləndirilməsi kimi məsələlər ətrafında fikir mübadiləsi aparıblar. -06D-
Siyasət
-
Litva Prezidenti Gitanas Nauseda, dekabrın 30-da, bir neçə insanın həyatını itirməsi ilə nəticələnən faciəvi təyyarə qəzası ilə bağlı Azərbaycan Prezidenti İlham Əliyevə başsağlığı verib. Telefon zəngində Nauseda, İlham Əliyevə və Azərbaycan xalqına dərin hüznlə başsağlığı verərək, yaralananların tezliklə sağalmasını arzuladığını və bu çətin dövrdə xalqımızla həmrəyliyini ifadə edib.
-
Rusiya İstintaq Komitəsinin sədri Aleksandr Bastrıkinlə Azərbaycanın baş prokuroru Kamran Əliyev arasında telefon danışığı olub. İstintaq Komitəsinin yaydığı məlumatda deyilir ki, tərəflər “Azərbaycan Hava Yolları”nin təyyarəsinin qəzaya uğramasının səbəblərinin araşdırılmasını müzakirə ediblər.
-
Qroznı aeroportunun dispetçeri dekabrın 29-da AZAL-ın təyyarəsinin raketlə vurulmasından sonra uçuşları qadağan edən “Kover” planının tətbiq olunduğunu təsdiqləyib.
-
Azərbaycan xarici işlər nazirinin müavini Yalçın Rəfiyev dekabrın 29-da Suriyaya səfəri çərçivəsində Dəməşqdə bu ərəb ölkəsinin müvəqqəti hökumətinin Xarici İşlər Nazirliyinin rəhbəri Əsəd Həsən Əl-Şibani ilə görüşüb.
Rəy yaz