Nasser Kanani
Bakı/10.07.23/Turan: İran hakimiyyəti bildirir ki, Azərbaycanın Tehrandakı səfirliyinin təhlükəsizliyi tam təmin olunacaq. Bu barədə bu gün İranın Xarici İşlər Nazirliyinin rəsmi nümayəndəsi Nasir Kənani deyib.
"İran öz məsuliyyətini başa düşür və məsuliyyətlə hərəkət edəcək. Təbii ki, bu ölkənin səfirliyi (Azərbaycanın Tehrandakı səfirliyi - İF) maksimum qorunacaq", - İranın “Tansim” agentliyi Kənanidən sitat gətirib.
* Ötən il İran Zəngəzur dəhlizi layihəsinə kəskin şəkildə qarşı çıxdıqdan və Azərbaycanla sərhədlərdə hərbi təlimlər keçirməyə başladıqdan sonra Bakı və Tehran arasında münasibətlər pisləşməyə başladı. İranlı siyasətçilər İsraildə səfirlik açmaq qərarına görə Azərbaycanı təhdid etməyə başladılar.
Bu il yanvarın 27-də Azərbaycanın Tehrandakı səfirliyinə silahlı hücum nəticəsində diplomatik missiya əməkdaşının ölümü və daha iki nəfərin yaralanması ilə münasibətlər tamamilə pisləşib. Bundan sonra Azərbaycan öz səfirliyini təxliyə edib, yalnız Təbrizdəki Baş Konsulluğu saxlayıb.
Lakin son vaxtlar Tehran münasibətlərin normallaşması üçün diplomatik addımlar atmağa başlayıb. Bakı bundan ötrü Azərbaycan səfirliyinə qarşı terror aktında iştirak edənlərin hamısının aşkar edilməsi və cəzalandırılması şərtini irəli sürür. 06B
Siyasət
-
Bazar ertəsi Birləşmiş Ştatlar Rusiya məhkəməsinin hərbi senzura haqqında qanunların pozulmasına görə 6,5 il müddətinə həbsə məhkum etdiyi “Azadlıq Radiosu”nun jurnalisti Alsu Kurmaşeva barəsində hökmü pisləyib.
-
Bazar ertəsi Birləşmiş Ştatlar Moskva rəsmilərinin Gürcüstanın hakim partiyasına hakimiyyəti əlində saxlaması üçün “köməyini” təklif etməsindən sonra Rusiyanın Gürcüstanda seçkilərə müdaxilə etmək cəhdlərini “diqqətlə müşahidə etdiyini” bildirib, xəbəri Turan-ın Vaşinqtondakı müxbiri verib.
-
Bazar ertəsi Birləşmiş Ştatlar bildirib ki, Azərbaycan və Ermənistan arasında sülh müqaviləsinə nail olunması üzərində işləməyə davam edir, bu barədə Turan-ın Vaşinqtondakı müxbiri xəbər verib.
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
Rəy yaz