İran Ermənistanda öz yük maşınları üçün yeni yol tikəcək
Bakı/05.10.21/Turan: Ermənistan XİN başçısı Ararat Mirzoyanın Tehrana rəsmi səfəri zamanı İranın yük maşınları üçün yeni yolun tikintisi haqqında razılıq əldə olunub. Bu barədə Mirzoyanla görüşdən sonra keçirilən brifinqdə İranın XİN başçısı Əmir Abdullahiyan bildirib.
“Biz strateji səviyyədə yaxşı razılaşmalar əldə etdik və bu gün Tehranda iki ölkə arasında münasibətlərin yeni yol xəritəsini tərtib edirik. Biz iki ölkə arasında yük marşrutları üçün tranzit yolunu bərpa edəcəyik, layihə ən qısa zamanda həyata keçiriləcək”, deyə o bildirib.
Elə həmin gün İranın “Nəqliyyat infrastrukturunun tikintisi və inkişafı” şirkətinin rəhbəri Heyrolla Xademi Yerevana səfər edib. O, İranın tranzitlə gedən yük maşınları üçün alternativ marşrut olacaq Tatev yaşayış məntəqəsindən keçən yolun vəziyyəti ilə tanış olacaq. Ermənistan tərəfin məlumatına görə, söhbət 20 kilometrlik hissənin tikintisindən gedir. İşlərin bir ay ərzində yekunlaşdırılması planlaşdırılır.
Xatırladaq ki, bir ay əvvəl Azərbaycan İrandan Ermənistana gedən yolun Azərbaycan ərazisindən keçən 20 kilometrlik hissəsindən istifadə edən yük maşınlarından rüsum almağa başlayıb. Bu tədbir Tehranın Bakının İranın yük maşınlarının Qarabağa getməsinin yolverilməz olduğu, bunun Azərbaycanın suverenliyini pozduğu haqqında dəfələrlə etdiyi xəbərdarlıqlara məhəl qoymamasına cavab olaraq tətbiq edilib. Son günlər Azərbaycan və İran arasında münasibətlərin gərginləşməsinə məhz bu səbəb olub. -02D-
Siyasət
-
Ötən gün Bakıda hakimiyyət və 25 siyasi partiya nümayəndələrinin görüşü olub. Görüş “konstruktiv əməkdaşlığın qurulması və inkişaf etdirilməsi” məqsədilə keçirilib.
-
Bakı Ağır Cinayətlər Məhkəməsində fəal İlhamiz Quliyevin işi üzrə prosesdə ittiham aktı elan edilib. Fəal narkotik maddələrin qanunsuz dövriyyəsi ittihamını rədd edib və cinayət işinin saxtalaşdırıldığını bildirib.
-
Son bir neçə həftə ərzində Azərbaycan da daxil olmaqla, bütün dünyada mətbuat azadlığına vurulan zərbələr jurnalistikanı qorumaq tələbilə Bayden administrasiyasına təzyiqlərə səbəb olub, Turan-ın Vaşinqtondakı müxbiri bildirib.
-
Mayın 16-da Cenevrədə parlament sədrlərinin VI Ümumdünya Konfransının Təşkilat Komitəsinin 1-ci iclası çərçivəsində Azərbaycan və Ermənistan parlamentlərinin sədrləri Sahibə Qafarova və Alen Simonyanın ikinci görüşü keçirilib.
Rəy yaz