İran islahatçıları Tehranda keçriilən seçkilərdə, demək olar ki, bütün səsləri qazanıblar

İranda islahatların tərəfdarları Tehranda keçirilən seçkilərdə qələbə qazanıblar. Onlar Ekspertlər Şurasında – ölkənin dini lideri seçkilərinə təsir edən orqanda paytaxt üçün ayrılmış 16 yerin 15-ni qazanıblar.

İRNA agentliyinin məlumatına görə, Ekspertlər Şurasına və İran Parlamentinə seçkilərdə paytaxt regionundan yerlərin əksəriyyəti prezident Həsən Ruhani və keçmiş prezident Əli Əkbər Haşemi Rəfsəncaninin ətrafında birləşən islahat tərəfdarlarına çatıb.

Konservatoru Ekspertlər Şurasına cəmi bir namizədlərini keçirə biliblər. Şuranın hazırki sədri Məhəmməd Yəzdi, habelə konservativ qüvvələrdən keçmiş prezident Mahmud Əhmədinejatın dini rəhbəri olan Məhəmməd Tağı Mesbah Yəzdi də seçkiləri uduzub.

Konservatorların Ekspertlər Şurasına keçən yeganə tərəfdarı Ekspertlər Şurasına namizədlərin irəli sürülməsinə veto qoymaq hüququ olan Keşikçilər Şurasının rəhbəri Əhməd Cənnəti olub.

Paytaxt regionundan parlamentə seçkilərə gəlincə, 30 yerin hamısı islahatçılara düşüb.

Ekspertlər Şurası ümumxalq səsverməsi ilə seçilən ilahiyyatçılar məclisidir. Şuraya ölkənin ali rəhbərini təyin etmək və ya dəyişdirmək hüququ olan 88 nəfər daxildir.

Cümə günü keçirilən seçkilər beynəlxalq sanksiyaların ləğvindən sonra İranda ilk seçkilər olub. Ölkədə onlar Ruxahi hökumətinə və Qərblə münasibətlərin yaxşılaşdırılması siyasətinə etibar haqqında faktiki referendum kimi qiymətləndirilir, Reuters agentliyi belə hesab edir.

Tehrandakı uğura baxmayaraq, islahatçılar parlamentdə və Ekspertlər Şurasında əksəriyyət ola bilməyib, belə ki, paytaxt regionunun hüdudlarından kənarda seçkilərdə əsasən konservatorlar qələbə qazanır. -0-