İran prezidenti İ.Əliyevə səfirliyə hücumla bağlı hərtərəfli araşdırma aparacağını vəd edib
Bakı/28.01.23/Turan: Şənbə günü axşam İran prezidenti İbrahim Rəisi prezident İlham Əliyevə zəng edərək "Azərbaycanın Tehrandakı səfirliyində baş vermiş insidentlə bağlı İran hökumətinin və xalqın adından başsağlığı verib", - İRNA xəbər agentliyi bildirib.
Rəisi həmçinin bəyan edib ki, “İran və Azərbaycan hökumətləri iki xalqın münasibətlərinin bədxahlarının təsiri altına düşməsinə imkan verməyəcəklər”.
Rəisinin sözlərinə görə, cinayət hərtərəfli və tam araşdırılacaq.
İRNA-nın xəbərinə görə, İlham Əliyev Rəisiyə başsağlığı üçün təşəkkür edib və bildirib ki, “iki ölkə arasında əməkdaşlıq elə olmalıdır ki, heç bir insident iki ölkə arasında dostluq münasibətlərini poza bilməsin”.
Öz növbəsində Azərbaycan Prezidentinin mətbuat xidmətinin məlumatında deyilir ki, “İlham Əliyev Azərbaycan Respublikasının Tehrandakı səfirliyinə qarşı törədilmiş terror aktını şiddətlə qınadığını bildirib, bu qanlı terror aktının hərtərəfli araşdırılacağına və cinayətkarların layiqli cəzalarını alacaqlarına ümidvar olduğunu qeyd edib. Həmçinin Prezident İlham Əliyev istintaqın şəffaf şəkildə aparılmasının vacibliyini vurğulayıb”.
Daha sonra o qeyd edibki, terrorçu tərk-silah olunmasaydı, səfirliyin digər əməkdaşlarını və onların ailə üzvlərini də hədəf olacağdılar.
Sonda Əliyev diplomatik nümayəndəliklərin təhlükəsizliyinin təmin olunmasının vacibliyini vurğulayıb. -02D-
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz