İran prezidenti yenə də Azərbaycana mühazirə oxumaq fikrinə düşüb

Bakı/24.10.23/Turan:  İran liderlərinin abırsız davranışı heç də sirr deyil. İranın indiki rəhbəri Rəisi diplomatik etikadan ən uzaq adamlardan biri olduğunu bir daha təsdiqləyib.  

Ötən gün Azərbaycanın Xarici İşlər Nazirliyinin rəhbərini qəbul edərkən bir daha rəsmi Bakıya tamamilə yolverilməz formada nəsihət verməyə başlayıb.

"Daha öncə mən İlham Əliyevə demişdim ki, sionist rejim sizin və ya hər hansı müsəlman ölkəsinin dostu  olmayacaq. Qəzza zolağındakı vəziyyət regionun bütün ölkələri üçün bir işarədir ki, onlar görsünlər ki, Amerika və Qərb region ölkələrinə rəğbət bəsləmir, sadəcə, regionda öz irqçi maraqlarını güdürlər ", - Rəisi deyib.

Bu, ilk dəfə deyil ki antixalq Tehran rejiminə etiraz edən minlərlə iranlının qanına əli batmış keçmiş prokuror Azərbaycana ağıl öyrətməkdə özünü haqlı sayır.  Rəisi bilməlidir ki, Azərbaycan öz dostunun da, düşməninin də kim olduğunu yaxşı bilir. İranın onun dostları və xeyirxahlar sırasında olmadığı isə dəqiqdir. 02B