![Açiq mənbələrdən foto.](https://turan.az/resized/media/2022/main/122600056024-750-500-resize.webp)
Açiq mənbələrdən foto.
İran tərəfindən yaradılmış qanunsuz silahlı birləşmənin üzvü Azərbaycana ekstradisiya edilib
Bakı/26.12.22/Turan: Azərbaycan Dövlət Təhlükəsizliyi Xidməti İran xüsusi xidmət orqanlarının yaratdığı qanunsuz silahlı birləşmənin üzvü Taleh Yusifovun (1967-ci ildə anadan olub) Azərbaycana ekstradisiya edildiyini bildirib.
Taleh Yusifov beynəlxalq axtarış üzrə qarşılıqlı hüquqi yardım proseduru çərçivəsində saxlanılaraq Azərbaycana ekstradisiya edilib, Dövlət Təhlükəsizliyi Xidmətinin məlumatında deyilir.
Onun hansı ölkədən ekstradisiya edildiyi açıqlanmır. Dərc olunmuş fotoya əsasən Yusifovun Azərbaycana təhvil verilməsi Rusiya-Azərbaycan sərhədində (Dağıstan) baş tutub.
Silahlı birləşmənin üzvləri Azərbaycan vətəndaşlarından ibarətdir və onlar müxtəlif dövlətlərin ərazisində terror aktları və təxribatlar törətmək üçün hazırlanır, Dövlət Təhlükəsizliyi Xidmətinin məlumatında bildirilir.
Taleh Yusifov Azərbaycan vətəndaşlarını İranda yaradılmış “Hüseyniyun” adlı qanunsuz silahlı qruplaşmaya cəlb etməkdə şübhəli bilinir. O bu işin təşkili və maliyyələşdirilməsilə bağlı gizli iş aparıb və “Təqi” ləqəbilə fəaliyyət göstərib.
2016-cı ildə İrana köçüb və digər şəxslərlə birlikdə Suriyada hərbi təlimlərdə iştirak edib, əməliyyat tədbirləri planlaşdırıb, xarici mütəxəssislərin iştirakı ilə kəşfiyyat işləri aparıb. Dövlət Təhlükəsizliyi Xidmətinin məlumatına görə, 2018-ci ildə Gəncənin icra başçısına sui-qəsd cəhdində təqsirli bilinərək “Gəncə işi” üzrə məhkum olunmuş Yunis Səfərov da onların arasında olub.
Taleh Yusifov Cinayət Məcəlləsinin 12.1, 279.1-ci (Azərbaycan Respublikasından kənarda qanunvericilikdə nəzərdə tutulmayan silahlı birləşmələrin yaradılmasında və fəaliyyətində iştirak etmə) maddələrilə məsuliyyətə cəlb edilib. O, beynəlxalq axtarışa verilib.--02D--
Siyasət
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
70 saylı Neftçala seçki dairəsinin Astanlı kəndindəki seçki məntəqəsinin yaxınlığında naməlum şəxslər növbədənkənar parlament seçkilərində iştirak edən deputatlığa namizəd Vəfa Nağanın müşahidəçisinin avtomobilinə hücum edib.
-
Sumqayıt şəhər 42 saylı birinci seçki dairəsi üzrə deputatlığa namizəd Şəfəq Mailova müxtəlif seçki məntəqələrində qanun pozuntuları olduğunu açıqlayıb.
-
“Müsavat” partiyası seçki məntəqələrində “karusel” əməliyyatının kütləvi hal aldığını bəyan edib. Partiyann press-relizinə əsasən, 17 saylı seçki dairəsinin 24 saylı məntəqəsində hətta Bakı şəhərində deyil, respublikanın rayonlarında qeydiyyatda olan şəxslər səs verir. 8 saylı seçki dairəsinin 31 saylı məntəqəsində qeydiyyatda olmayan şəxslər müəyyən edilib.
Seçki prosesi hiss olundumu? – Bəşir Süleymanlı Çətin sualda
Audio xəbər
Xəbər lenti
-
- Siyasət,
- 13:41
- 466
Rəy yaz