Tehran/11.01.20/Turan: İran SQ Baş Qərargahı yanvarın 11-də bəyan edib ki, çərşənbə günü Tehran üzərində qəzaya uğrayan Ukrayna təyyarəsi səhvən İranın RƏM raketi ilə vurulub, bu barədə İRNA agentliyi məlumat yayıb.
İran SQ Baş Qərargahının bəyanatında qeyd edilir ki, İraqda Amerika bazalarına raket zərbələri endirilməsindən bir neçə saat sonra baş verən aviaqəza zamanı Amerika təyyarələrinin uçuşları xeyli artıb. "Bu hal hava hücumundan müdafiə bölmələri arasında yüksək həssaslığa səbəb olub".
"İnsan səhvi nəticəsində və təsadüfən bu təyyarə vurulub, bu da, təəssüf ki, həmvətənlərimizin və xarici vətəndaşların həlak olmasına gətirib çıxarıb", deyə SQ Baş Qərargahının bəyanatında bildirilir.
Bəyanatda qeyd edilir ki, Ukrayna təyyarəsi İslam İnqilabı Keşikçiləri Korpusunun (İİKK) mühüm hərbi obyektlərindən birinin bilavasitə yaxınlığında olub və formasına və uçuş yüksəkliyinə görə düşmən obyektinə bənzəyib. -02D-
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz