İran Venesiya Konvensiyasını pozaraq azərbaycanlı diplomatların müraciətlərinə məhəl qoymur
“Vyana Konvensiyasının 36-cı maddəsinə əsasən konsul vəzifəsini icra edən vəzifəli şəxslər təmsil etdikləri ölkənin vətəndaşları ilə həbsxanada, təcridxanada saxlanılan vətəndaşları ilə görüşmək, söhbət etmək, onlara hüquqi yardım göstərilməsi üçün tədbirlər görmək hüququ var", - Xarici İşlər Nazirliyinin mətbuat xidmətinin rəhbəri Elman Abdullayev Turan-a bildirib.
Onun sözlərinə görə, aprelin 30-da Təbrizdə saxlanılmış Azərbaycan vətəndaşları Xalidə Xalid və Şamxal Hüseynovla görüşün təşkili üçün İran tərəfi ilə danışıqlar aparılır.
XİN-nin mətbuat sözçüsü həmçinin bildirib ki, səlahiyyətli orqanlar ləngimə olmadan konsulluq xidmətinə bu ölkənin vətəndaşının həbs olunması və ya saxlanması barədə məlumat verməlidir.
Onun sözlərinə görə, İran notaya çox qısa cavab verib. Belə ki, cavabda yalnız onların nədə əbs olunduğu barədə rəsmi bir cümləlik açıqlama veriblər.
“Ümidvarıq ki, İran tərəfi ən qısa müddətdə Vyana Konvensiyasının müddəalarına uyğun olaraq diplomatlarımızın saxlanılan vətəndaşlarla görüşünə şərait yaradacaq. İran tərəfi ölkələrimiz arasında dinc qonşuluq münasibətlərini nəzərə alacaq”, - E. Abdullayev qeyd edib.
Eyni zamanda Milli Məclisin bu gün keçirilən iclasında Oqtay Əsədov qeyd edib ki, İranda həbs olunmuş AMEA Ədəbiyyat İnstitutunun elmi işçisi Xalidə Xalidin həbsdən azad edilməsi ilə bağlı İran parlamentinin sədri Əli Laricaniyə müraciət olunacaq.
Qeyd edək ki, Azərbaycan vətəndaşları İranın ETTELAT xüsusi xidməti tərəfindən saxlanılıb. İran XİN onların qanunsuz hərəkətlər törətdiklərini bəyan edib, lakin bu hərəkətlərin nədən ibarət olduğunu açıqlamayıb. Onlarla birlikdə həbs olunan azərbaycanlı fəallar girov müqabilində azadlığa çıxıblar. -16D-
-
- Foto sessiyalar
- 14 May 2013 14:09
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz