![İranda Azərbaycanlılar və digər azlıqlar ayrı-seçkiliyə məruz qoyulur – BMT](https://turan.az/resized/750/500/resize/media/2019/main/102400022622.jpg)
İranda Azərbaycanlılar və digər azlıqlar ayrı-seçkiliyə məruz qoyulur – BMT
Bakı/24.10.19/Turan: İranda Azərbaycan türkləri, ərəblər, kürdlər, habelə digər etnik və dini azlıqların nümayəndələri İranda repressiyalara, təqiblərə və zülmə məruz qalır. Ölkədə yoxsulluq və işsizlik miqyası artır, bu da qismən 2018-ci ilin noyabrında təkrarən iqtisadi sanksiyalar tətbiq edilməsinin nəticəsidir. Bu barədə İranda insan hüquqları üzrə Xüsusi Məruzəçi Cavid Rəhman bildirib.
“Milli azlıqların nümayəndələri ayrı-seçkiliklə üzləşir, xüsusən, məşğulluq və təhsil sahəsində”, deyə BMT ekspert bildirib. Onlar həmçinin siyasi təzyiqə, repressiyalara və ciddi hüquq pozuntularına məruz qalırlar.
Təhlükəsizlik xidmətləri tərəfindən irəli sürülmüş ittihamlara görə ölüm cəzasına məhkum edilənlər, habelə siyasi məhbuslar arasında etnik və dini azlıqların nümayəndələri həddindən artıq çoxdur.
“Azlıqlara qarşı ədavətdən və milli qanunvericiliyin onları ayrı-seçkilikdən adekvat müdafiə ilə təmin etməməsindən narahatam”, deyə məruzəçi mətbuat konfransında qeyd edib və bildirib ki, İran üzrə geniş məruzəni BMT Baş Assambleyasının Üçüncü Komitəsinin nümayəndələrinə təqdim edib.
Məruzədə qeyd edilir ki, İranda ən az 15 milyon Azərbaycan türkü var. Bu icmanın ən az 82 üzvü milli təhlükəsizliyə təhdid ittihamı ilə altı ilə qədər həbsə məhkum edilib. Onlar arasında Şərqi Azərbaycanın “Tiraktur” futbol klubunun fanatları da var. Onlar 2019-cu ilin mayın 2-də Təbrizdə “Səhənd” stadionunda maç zamanı Azərbaycanpərəsət şüarlar səsləndirdiklərinə görə saxlanılıb və həbs ediliblər.
Məruzədə həmçinin hicabın məcburiliyinə etiraz edən hüquq müdafiəçilərinin, jurnalistlərin və qadınların qorxudulduğu deyilir.
Cavid Rəhman İranda bir sıra digər insan hüquqlarının pozulması halları ilə bağlı narahatlığını bildirib, o cümlədən ölüm cəzasının tətbiqini pisləyib. Təkcə bu il İranda 173 nəfər barəsində ölüm hökmü icra edilib. Onlardan ikisi yetkinlik yaşına çatmayanlardır.
BMT-nin xüsusi məruzəçiləri İnsan Hüquqları Şurası tərəfindən təyin edilən və konkret ölkədə insan hüquqları sahəsində vəziyyətlə bağlı məruzələr hazırlamaq üçün vəkil edilmiş müstəqil ekspertlərdir. -02D-
-
- Mədəniyyət
- 24 Oktyabr 2019 17:48
-
- Siyasət
- 24 Oktyabr 2019 23:02
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz