İstanbul/24.10.19/Turan: İstanbulun Haliç körfəzinin başlanğıc hissəsində Azərbaycanın böyük şairi-dramaturqu Hüseyn Cavidin büstü ucaldılıb.
Turan agentliyinin məlumatına görə, Azərbaycanın İstanbul Baş konsulluğunun təşəbbüsü və layihəsi ilə ucaldılan büstün müəllifi tanınmış rəssam-heykəltəraş Sənan Eynullayevdir.
Büst üçün yer Baş konsulluğun rəsmi məktubu ilə İstanbul metropol bələdiyyəsi tərəfindən ayrılıb.
Hüseyn Cavid büstünə sponsorluğu Azərbaycan Dövlət Neft Şirkətinin Türkiyədəki nümayəndəliyi edib.
Büst Hüseyn Cavidin anadan olduğu gündə-oktyabrın 24-də açılıb.Bu münasibətlə təşkil edilən mərasimdə Azərbaycan Respublikasının İstanbuldakı Baş konsulu Məsim Hacıyev,Baş konsulluğun əməkdaşları,ARDNŞ nümayəndələri, Türkiyənin bəzi QHT-lərinin rəhbərləri, universitet tələbələri,Azərbaycan Respublikasının İstanbulda yaşayan vətəndaşları iştirak ediblər.
Azərbaycanın məşhur rəssamı və heykəltəraşı Sənan Eynullayev 1956-cı ildə Bakıda anadan olub.Ə.Əzimzadə adına Rəssamlıq məktəbini bitirəndən sonra Sənan Eynullayev təhsilini Əlibəy Hüseynzadə adına İncəsənət universitetində davam etdirib.1992-ci ildən bəri yaradıcılıq işlərinə Türkiyədə davam edən Sənan Eynullayev Türkiyənin və dünyanın bir çox qalareyasında fərdi rəsm sərgiləri açıb.Bir neçə il əvvəl Türkiyənin tanınmış iş adamı Əli Ağaoğlunun sifarişi ilə Sənan Eynullayev Türkiyə Cümhuriyyətinin qurucusu Mustafa Kamal Atatürkün və İstanbulu fəth edən Sultan Mehmetin 8 metrlik heykəllərini ucaldıb.—0—
Mədəniyyət
-
O, İsveçrə və Azərbaycan arasında körpülərin qurulması məqsədilə dünya turu çərçivəsində Bakıda səhnəyə çıxacaq. Konsert sentyabrın 18-də saat 19:00-da Rəşid Behbudov Mahnı Teatrında olacaq. Tədbir İsveçrənin Azərbaycandakı səfirliyinin təşəbbüsü ilə baş tutacaq.
-
Azərbaycanda İtaliya-Azərbaycan Universiteti fəaliyyət göstərir. İtaliyanın beş aparıcı universitetinin Azərbaycanda olan tərəf müqabilləri ilə birgə təhsil ocağı təsis etdiklərini xatırladan dövlət başçısı bildirib: “Orada təhsil almağa başlayacaq tələbələr Azərbaycan ilə İtaliya arasında təbii körpü rolunu oynayacaqlar. Onlar italyan dilini daha səlis biləcəklər. İtaliyanın tarixi irsini və mədəniyyətini də daha dərindən öyrənəcəklər”. Bu barədə prezident İlham Əliyev sentyabrın 6-da İtaliyada Çernobio Beynəlxalq Forumunda çıxış edərkən bildirib.
-
Sentyabrın 1-də keçirilən parlament seçkilərinin ilkin rəsmi nəticələri “exit-poll”un nəticələrini təsdiqləyib. Azərbaycan Prezidenti İlham Əliyevin rəhbəri olduğu Yeni Azərbaycan Partiyası (YAP) Milli Məclisdə mütləq çoxluğunu yeniləyir və 68 yer alır.
-
Alen Delon, cazibədar görünüşü və maqnitik varlığı ilə Avropa kinosunu onilliklər ərzində müəyyənləşdirən Fransız kino ikonu, 88 yaşında vəfat edib. Övladları onun ölümünü bazar günü Agence France-Presse-ə verdikləri açıqlama ilə təsdiqləyib.
Rəy yaz