Prezident İlham Əliyev.
İranın Azərbaycan əleyhinə hücumları cavabsız qalmayacaq - İlham Əliyev
Bakı/25.11.22/Turan: İran əvvəllər heç vaxt Azərbaycanın ünvanına bu qədər nifrət və təhdid xarakterli bəyanatlarla çıxış etməmişdi. Bu barədə dövlət başçısı İlham Əliyev Bakıda regional kommunikasiyalara həsr olunmuş beynəlxalq forumun iştirakçılarının suallarını cavablandırarkən bildirib.
"Biz üç İran prezidenti - Xatemi, Əhmədinejad və Ruhani ilə işləmişik və bütün bu illər ərzində bugünkinə bənzər vəziyyət olmayıb.
İran heç vaxt bizim sərhədlərimizdə bir neçə ay ərzində iki hərbi təlim keçirməyib. Heç vaxt Azərbaycana qarşı bu qədər nifrət və təhdid xarakterli bəyanatlar olmayıb", deyə Əliyev qeyd edib.
Bununla belə, o qeyd edib ki, Bakı Azərbaycan əleyhinə bu bəyanatları cavabsız qoymayacaq.
"Biz həmişə Azərbaycan əleyhinə bəyanatlara və addımlara cavab vermişik və verəcəyik. Buna görə biz də İranla sərhəddə təlim keçirdik, onlardan qorxmadığımızı nümayiş etdirdik.
Biz özümüzün, habelə İranda yaşayan azərbaycanlıların dünyəvi həyat tərzini və inkişaf yolunu qoruyub saxlamaq üçün əlimizdən gələni edəcəyik. Onlar bizim xalqımızın bir hissəsidir", deyə Əliyev bildirib. 16D
Siyasət
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
-
1 saylı Bakı İstintaq Təcridxanasında saxlanılan Abzas Media nəşrinin jurnalisti Nərgiz Absalamova nəzarətçi tərəfindən zorakılığa məruz qalıb.
Rəy yaz