İranın XİN başçısının Bakıya səfərinə dair

Tehran/22.01.21/Turan: Yanvarın 24-də İran XİN başçısı Məhəmməd Cavad Zərif regional turnesi çərçivəsində Bakıya səfər edəcək. İRNA agentliyinin məlumatına görə, Zərifi Azərbaycan prezidenti İlham Əliyev və digər rəsmi şəxslər qəbul edəcək.

Görüşlərdə “ikitərəfli münasibətlərin və əməkdaşlığın müxtəlif aspektləri, habelə regional məsələlər” müzakirə olunacaq. Xüsusən, “Dağlıq Qarabağda ərazilərin azad edilməsindən sonra regionda yaranmış əməkdaşlıq imkanları, o cümlədən İran şirkətlərinin Dağlıq Qarabağın bərpasında iştirakı” müzakirə ediləcək, deyə məlumatda bildirilir.

Qeyd edək ki, Zərif Moskva, Tbilisi və Yerevana da səfər edəcək, səfərləri zamanı İranın reigonal proseslərdə iştirakı məsələsini müzakirə edəcək. Bundan başqa, İran Naxçıvana Ermənistandan keçən dəmir və avtomobil yollarının tikintisi planlarından narahatdır. Bu, İranın rolunu azaldır, çünki indiyədək Azərbaycanın Naxçıvanla yerüstü və hava əlaqəsi İran ərazisindən həyata keçirilirdi. Tehran həmçinin israrla və bütün səviyyələrdə azad edilmiş ərazilərdə infrastrukturun bərpasında öz iştirakını təklif edir. -02D-