![İranın XİN rəhbəri Naxçıvana gedib](https://turan.az/resized/750/500/resize/media/2018/main/040600009087.jpg)
İranın XİN rəhbəri Naxçıvana gedib
Bakı/06.04.18/Turan: Cümə günü İranın xarici işlər naziri Cavad Zərif Bakıdan Naxçıvan Muxtar Respublikasına gedib.
İRNA agentliyinin məlumatına görə, Naxçıvan Ali Məclisinin sədri Vasif Talıbovla görüş zamanı C.Zərif bu regionun İranla əlaqələrinin möhkəmləndirilməsinə tərəfdar olduğunu deyib.
Energetika sahəsində birgə layihələri qeyd edən C.Zərif əlavə edib ki, sənaye istehsalı, heyvandarlıq, səhiyyə, əczaçılıq, turizm, tranzit və qida sənayesi sahələrində əməkdaşlıq üçün yaxşı zəmin var.
İranın xarici işlər naziri bank əlaqələrinin, tələbə və alim mübadiləsinin yaxşılaşdırılmasına, həmçinin Naxçıvanla Şərqi və Qərbi Azərbaycan vilayətləri arasında münasibətlərin qurulmasına çağırıb.
O, Naxçıvan və Təbriz şəhərləri arasında əlaqələrin möhkəmləndirilməsinə çağırıb.
Öz növbəsində V.Talıbov deyib ki, İranla münasibətlər bütün sahələrdə inkişaf edir.
"İran sakinləri Naxçıvana sərbəst gəlib-gedirlər, turistlərin sayı artır, iranlı tələbələr öz təhsillərini problemsiz davam etdirirlər", - o bildirib.
Xatırladaq ki, C.Zərif Qoşulmama Hərəkatı ölkələrinin nazirlər konfransında itirak etmək üçün Bakıya gəlib.
O, Naxçıvanda Duzdağ Fizioterapiya Mərkəzində də olub.-02D-
-
- İqtisadiyyat
- 6 Aprel 2018 14:01
-
- Bazarların icmalı
- 6 Aprel 2018 14:46
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz