Vaşinqton/03.11.23/Turan: ABŞ-ın dövlət katibi Antoni Blinken Tel-Əvivdə İsrail liderləri ilə görüşdən sonra cümə günü həmrəylik mesajı verib. Eyni zamanda o deyib ki, “İsrailin müharibəni necə aparması önəmlidir”.
Blinken mühasirədə olan Qəzzaya daha çox humanitar yardımın çatması üçün Təl-Əvivə gəlib. Eyni zamanda İsrail ordusu isə qoşunlarının HƏMAS terrorçularını məğlub etmək üçün Qəzzanın blokadasını gücləndirdiyini bildirib.
Blinken İsrail prezidenti İsaak Hersoqla birgə brifinqdə deyib: “Biz İsrailin özünü müdafiə etmək hüququnu və məsuliyyətini qətiyyətlə dəstəkləyirik və oktyabrın 7-nin bir daha təkrarlanmaması üçün mümkün olan hər şeyi edirik”.
Eyni zamanda, o, əlavə edib ki, “çarpaz atəşə tutulan mülki şəxslərin müdafiəsini təmin etmək və buna ehtiyacı olan və oktyabrın 7-də baş verənlərə görə heç bir məsuliyyət daşımayanlara yardım göstərmək çox vacibdir”.
Blinken cümə günü Təl-Əvivdə baş nazir Benyamin Netanyahu və hərbçilərlə də görüşüb. -0-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz