ABŞ jurnalistlərə qarşı cinayətlərə görə məsuliyyət daşıyanları məsuliyyətə cəlb etməyə çağırır
Vaşinqton/03.11.23/Turan: Birləşmiş Ştatlar bütün dünya hökumətlərini jurnalistlərə qarşı cinayətlərə görə məsuliyyət daşıyanları məsuliyyətə cəlb etməyə çağırır.
Turanın Vaşinqton müxbiri xəbər verir ki, ABŞ Dövlət Departamentinin bəyanatında deyilir: “Onlar öz mühüm işlərini zorakılıq və ya təqib qorxusu olmadan davam etdirə bilməlidir”.
Jurnalistləri Müdafiə Komitəsinin məlumatına görə, BMT Baş Assambleyası 2014-cü ilin dekabrında Jurnalistlərə Qarşı Cinayətlərə görə Beynəlxalq Hesabat Gününü təsis edəndən bəri 350-dən çox jurnalist öldürülüb.
Dövlət Departamentinin sözçüsü Metyu Miller verdiyi açıqlamada, "Birləşmiş Ştatlar jurnalistlərə qarşı zorakılıq edənlərin məsuliyyətə cəlb edilməsinə kömək etmək üçün insan haqları qurumlarla işləməyə sadiqdir" - dedi.
“Azad və müstəqil mətbuatın sıxışdırıldığı yerdə korrupsiya və hakimiyyətdən sui-istifadə çiçəklənir. Media işçilərinə qarşı zorakılıq, saxta həbslər, təqiblər və hədə-qorxu aktları həm fərdlərə, həm də bütövlükdə cəmiyyətə ciddi ziyan vurur”, - o vurğulayıb.-0-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz