İtkin düşmüşlərin və girovların axtarışı üzrə Beynəlxalq İşçi Qrup Qarabağa səfər edib

Bakı/21.11.18/Turan: Svetlana Qannuşkinry, Paata Zakareişvili və Bernhard Klazendən ibarət itkin düşmüşlərin axtarışı üzrə beynəlxalq işçi qrup ötən ildən vasitəçilik missiyasını bərpa edib.

21 noyabr tarixli mətbuat üçün bəyanatda deyilir ki, BİQ üzvləri Bakıda Hərbi Girovların, Əsirlərin və İtkin Düşmüşlərin İşləri üzrə Dövlət Komissiyasının nümayəndələri ilə görüş keçirib, saxlanılan şəxslərin qaytarılması məqsədilə tərəflərlə danışıqlara başlamaq mümkünlüyünü müzakirə edib.

Bu təşəbbüs çərçivəsində BİQ üzvləri Bakıya, Yerevana və Stepanakert-Xankəndinə səfər ediblər. Dövlət komissiyalarının nümayəndələri, Qarabağda iki məhbus - Dilqəm Əsgərov və şahbaz Quliyevlə, həmçinin Bakıda saxlanılan iki erməni - Zaven Karapetyan və Arsen Baqdasaryanla görüşüblər.

BİQ tərəflərin diqqətini itkin düşmüşlərin axtarışı üzrə humanitar işin beynəlxalq mediatorların iştirakı ilə davam etdirilməli olmasına çəkib.

BİQ əsirlərin azad edilməsi üzrə gələcək planları və əsirlər və girovlar məsələsində çevik reaksiya üzrə əlaqələrin qurulması və tənzimlənməsi mümkünlüyünü müzakirə etmək üçün bitərəf ərazidə ekspertlərin görüşünü təşkil etmək təşəbbüsü ilə çıxış edib.

Bu görüş keçən il planlaşdırılırdı, amma uzun məsləhətləşmələrdən sonra təxirə salınıb. BİQ görüşün gələn il baş tutması üçün əlindən gələni edəcək, belə ki, tərəflər buna hazır olduqlarını ifadə ediblər, deyə bəyanatda qeyd edilir. -02D-