JMK Abzas Media jurnalistlərinin həbs müddətlərinin uzadılmasını pisləyib
JMK Abzas Media jurnalistlərinin həbs müddətlərinin uzadılmasını pisləyib
Beynəlxalq Jurnalistləri Müdafiə Komitəsi (JMK) Azərbaycanda korrupsiya faktlarını araşdıran Abzas Media nəşrinin valyuta qaçaqmalçılığında ittiham olunan altı jurnalistinin ilkin həbs müddətinin uzadılması haqqında məhkəmə qərarları ilə bağlı narahatlığını bildirib.
İyunun 12-də JMK bu qərarlarla bağlı bəyanat yayıb. Bəyanatda qeyd edilir ki, Bakının Xətai Rayon Məhkəməsi çərşənbə günü, iyunun 12-də Abzas Media-nın direktoru Ülvi Həsənlinin, baş redaktor Sevinc Vaqifqızının və layihənin meneceri Məhəmməd Kekalovun ilkin həbs müddətini üç ay uzadıb.
Bir gün əvvəl elə həmin məhkəmə jurnalist Nərgiz Absalamovanın həbs müddətini üç ay uzadıb, bazar ertəsi isə jurnalistlər Hafiz Babalı və Elnarə Qasımovanın həbs müddətləri müvafiq olaraq bir ay və iki ay uzadılıb.
Polis 2023-cü ilin noyabrında Abzas Media-da reyd aparıb və ölkəyə qanunsuz pul gətirmək məqsədilə Qərbin donor təşkilatları ilə əlbir olmaq ittihamı ilə nəşrin əməkdaşlarını həbs etməyə başlayıb, deyə JMK xatırladıb. Azərbaycanın Cinayət Məcəlləsinə əsasən, təqsirli bilinəcəkləri təqdirdə valyuta qaçaqmalçılığı məqsədilə əlbir olmaq ittihamı irəli sürülən altı jurnalisti səkkiz ilədək həbs cəzası gözləyir, deyə təşkilatın bəyanatında vurğulanır.
"JMK Azərbaycan hakimiyyətinin Abzas Media-nın altı jurnalistinin əsassız həbs müddətini növbəti dəfə uzatmasından dərin məyusluq hissi keçirir və onlara qarşı irəli sürülmüş ittihamları tənqidi reportajlara görə qisas kimi qiymətləndirir", deyə Nyu-Yorkda yerləşən JMK-nin Avropa və Mərkəzi Asiya üzrə proqram koordinatoru Gülnoza Saidin sözlərindən sitat gətirilib.
Azərbaycan hakimiyyəti hazırda bənzər ittihamlarla saxlanılmış Abzas Media-nın bütün əməkdaşlarını dərhal azad etməlidir. Jurnalistlər Azərbaycanın Qərblə diplomatik toqquşmaların qurbanı olmamalıdır, deyə o qeyd edib.
Abzas Media-nın əməkdaşları Azərbaycan və Qərb arasında münasibətlərin pisləşməsi fonunda hazırda Azərbaycanda bənzər ittihamlarla həbsdə olan dörd müstəqil KİV-in 11 jurnalisti arasındadır. Daha iki nəfər məhkəməyə qədər ölkəni tərk etmələri qadağan olunmaqla azad edilib.
Abzas Media bu ittihamları yüksək vəzifəli Azərbaycan məmurlarının korrupsiya cinayətlərinin araşdırılmasına görə repressiya adlandırıb. Aprel ayında Azərbaycan prezidenti İlham Əliyev həbslərlə bağlı tənqidləri təkzib edib, xaricdən qanunsuz maliyyə vəsaiti alan KİV nümayəndələrinin qanun çərçivəsində həbs edildiyini bildirib, deyə JMK xatırladıb.
Mayın 21-də məhkəmə bənzər ittihamlarla həbsdə olan Kanal-13-ün direktoru Əziz Orucovun və jurnalist Şamo Eminovun həbs müddətini bir ay uzadıb, deyə JMK-nin bəyanatında qeyd edilir.
-
- Maliyyə
- 13 İyun 2024 11:28
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz