![Искендер Гамидов](https://turan.az/resized/media/2019/main/020100016519-750-500-resize.webp)
Искендер Гамидов
Keçmiş DİN rəhbəri aclığa başlayıb
Bakı/01.02.19/Turan: Keçmiş DİN rəhbəri İsgəndər Həmidov yanvarın 31-dən aclığa başlayıb. Bu barədə Turan-a onun özü məlumat verib.
Bununla o, Şirvanda 16 yaşlı 10-cu sinif şagirdinin polisə çağırılmasına etiraz edir.
İ.Həmidovun sözlərinə görə, yeniyetməni valideynlərinin və müəllimlərin iştirakı olmadan polis şöbəsinə aparıblar. Üstəlik, bu üç dəfə - yanvarın 20-də, sonra yanvarın 26 və 28-də baş verib.
Birinci dəfə Şirvandan Bakıya qayıtdıqdan sonra polisə aparılıb. O, Bakıya Şəhidlər Xiyabanını ziyarətə gəlib.
Polisdə ondan müxalifətlə birlikdə Şəhidlər Xiyabanına ziyarətdə iştirak etməsinin və Azərbaycan Xalq Hərəkatına qoşulmasının səbəblərini soruşublar.
İ.Həmidovun sözlərinə görə, aclıq aksiyası fəallar tərəfindən növbə ilə keçiriləcək.
"Bizim aksiyamız ölüm aclığı deyil. Məqsədimiz diqqəti baş verən qanunsuzluğa yönəltmək, qanunsuzluğun aradan qaldırılması və günahkarların cəzalandırılmasıdır", - keçmiş nazir bildirib.
İsgəndər Həmidov 1992-93-cü illərdə DİN rəhbəri olub. 1995-ci ilin martında həbs edilərək 14 il azadlıqdan məhrum olunub. Lakin 2004-cü ildə əfv sərəncamı ilə vaxtından əvvəl azadlığa buraxılıb. Azadlığa çıxdıqdan sonra Azərbaycan Milli Demokrat Partiyasını təsis edib.
2019-cu il yanvarın 26-da bir qrup şəxslə birlikdə Azərbaycan Xalq Hərəkatının yaradıldığını elan edib.-05B06--
-
- Cəmiyyət
- 1 Fevral 2019 17:42
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz