Keçmiş şahın oğlu hesab edir ki, İran rejimi laxlayır
Vaşinqton/16.01.20/Turan: İranlı etirazçılar rejimin süqutunun “qoxusunu hiss edirlər”, “bu, zaman məsələsidir”, - İranın devrilmiş şahının oğlu Reza Pəhləvi Vaşinqtonda bildirib.
Çərşənbə günü Hadson İnstitutunda jurnalistlərin qarşısında çıxışı zamanı o deyib ki, Tehran hökumətini qorxuya salan hazırkı etirazlar “klerikal rejimi devirə” bilər.
O həmçinin Qərb dövlətlərini etirazları dəstəkləməyə və İran rejiminin nə vaxtsa “normal” hökumət kimi davranacağına ümid etməməyə çağırıb. “Bu rejimin öz davranışını dəyişməyəcəyini anlamağın” zamanı gəldi.
1979-cu il İran inqilabı nəticəsində devrilmiş şahın oğlu, 59 yaşlı vəliəhd şahzadə deyib ki, Ukraynanın sərnişin təyyarəsinin qəzaya uğramasından sonra başlayan indiki etirazlar 40 il öncə onun atasını devirən üsyanı xatırladıb.
Hazırda Merilenddə yaşayan Pəhləvi İran xalqının azadlıq və demokratiya istəyindən danışıb: “Təəssüf ki, bütün tariximiz boyunca İranda heç vaxt azad seçkilər olmayıb”.
O, “minimum itki” ilə hazırkı sosial partlayışın öhdəsindən gəlməyin yeganə yolu kimi öz planını təqdim edib. Onun sözlərinə görə, beynəlxalq birlik iranlı işçilərin ölkəni iflic etməsinə imkan yaratmaq üçün “tətil fondu”nu maliyyələşdirməlidir.
Qərb hökumətləri də maksimum iqtisadi təzyiq göstərməyə davam etməlidirlər.
İranda KİV-in hazırkı durumundan danışan Pəhləvi deyib ki, hakimiyyət ölkədə baş verən hadisələr haqda məlumat yayılmasının qarşısını almaq üçün İnterneti bloklayır və KİV-i bağlayır.-25B-
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz