Açiq mənbələrdən foto.
Bakı/12.10.20./Turan: Baş Prokurorluğun mətbuat xidməti Ermənistan tərəfin humanitar atəşkəs rejimini pozmaqda, Tərtər, Ağdam və Goranboy rayonlarına artilleriya atəşi açmaqda davam etdiyini bildirib.
İdarənin məlumatına görə, top mərmisinin partlaması nəticəsində 1970-ci il təvəllüdlü Kəngərli kənd sakini Bəylərov Firudin Kamal oğlu müxtəlif bədən xəsarətləri ilə xəstəxanaya yerləşdirilib.
Baş Prokurorluğun saytında yer alan məlumatda qeyd edilir ki, saat 12.00-a olan məlumata görə sentyabrın 27-dən etibarən 41 dinc sakin həlak olub, 207 nəfər yaralanıb.
Açılan atəşlər nəticəsində 1185 ev, 57 çoxmənzilli yaşayış binası, 148 mülki obyekt yararsız vəziyyətə düşüb. -06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz