Açiq mənbələrdən foto.
Bakı/12.10.20/Turan: Ermənistan tərəfi bütün dünyadan çoxsaylı ermənilərin “tarixi vətənləri uğrunda” döyüşdüyünü gizlətmir və bu barədə hətta qürurla məlumat yayır.
Ermənilərin məntiqinə görə, xarici vətəndaşlar Azərbaycan ərazisində nəinki döyüşə bilər, buna məcburdurlar.
Eyni zamanda, rəsmi Yerevan Ermənistan silahlı qüvvələrinin sıralarında muzdluların olduğunu inkar edir. Yerevan işğal edilmiş ərazilərə Suriyadan gələnlərin məskunlaşdırıldığını, Suriya və Livan ermənilərinin orduya çağırılıb Qarabağa göndərildiyini etiraf etməkdən imtina edir.
Amma sənədli dəlillər bunun əksini göstərir. Ermənistanın Asekose saytı sentyabrın sonlarında iki gənc erməninin – Suriya və Livan əsilli sıravi əsgər Stepan Keşişyanın və serjant Mişel Açemyanın təntənəli şəkildə xaricdən gəldiklərini və Ermənistan torpaqları uğrunda döyüşməkdən qürur duyduqlarını söylədikləri videogörüntü yayıb.
Bu zaman onların hər biri Ermənistana bu gün deyil, 4 və 5 il əvvəl gəldiklərini qeyd edir. -02D-
Siyasət
-
Paşinyan və Putin razılaşıblar ki, 2025-ci il yanvarın 1-dən Ermənistan və İran arasında keçid məntəqəsi yalnız erməni sərhədçiləri tərəfindən qorunacaq. Bu barədə oktyabrın 8-də Rusiya prezidenti Vladimir Putin və Ermənistanın baş naziri Nikol Paşinyan arasında görüş zamanı razılıq əldə olunub, bunu Paşınyanın mətbuat katibi Nazeli Bağdasaryan bildirib.
-
Dövlət Departamentinin sözçüsü çərşənbə axşamı TURANın Vaşinqton müxbirinə rəsmi Bakının ABŞ və Qərbi düşməni kimi qələmə verməsi ilə bağlı sualına cavabında deyib: "Birləşmiş Ştatlar Azərbaycanla ikitərəfli münasibətlərini yüksək qiymətləndirir".
-
Azərbaycanın Laçın şəhəri 2025-ci ildə MDB-nin mədəniyyət paytaxtı olacaq, daha sonra estafet erməni Mehrisinə, ondan sonra isə Belarusun Molodeçno şəhərinə keçəcək. Bunu Rusiya prezidenti Vladimir Putin çərşənbə axşamı Moskvada MDB sammitində deyib.
-
Bugünkü təkbətək görüşlərdə Rusiya prezidenti Vladimir Putin İlham əliyev və Nikol Paşyanla yarım saata yaxın söhbət edib. Bu barədə jurnalistlərə Rusiya prezidentinin mətbuat katibi Dmitri Peskov bildirib.
Rəy yaz