“Komsomolka” erməni feyklərini ifşa edir

Bakı/30.09.20/Turan: Moskvanın Mk.ru qəzetinin dünənki buraxılışında ermənilərin guya Türkiyəyə məxsus qırıcı təyyarə tərəfindən vurulan erməni təyyarəsi və Azərbaycanda suriyalı muzdluların olması haqqında yalan məlumatlarını ifşa edən ətraflı məqalə dərc edilib.

www.mk.ru/politics/2020/09/29/armeniya-voyuet-s-fantomnymi-istrebitelyami-turcii.html?fbclid=IwAR0BadRD613pyW5ofnwGKRYV8JMDydDdAL41mckE0EXv7gd8dlf6CXJOyWI

Sentyabrın 29-da Ermənistanın Müdafiə Nazirliyi guya Türkiyəyə məxsus F-16 qırıcı təyyarəsinin ER hava məkanında Ermənistana məxsus Su-25 təyyarəsini vurduğu haqqında məlumat yayıb. Ankara və Bakı bu məlumatı təkzib edib.

Ermənilərin yaydığı məlumat Flight radar 24 portalı  aviaresursların məlumatları ilə üst-üstə düşmür. Bu aviaresurslar Türkiyədən Azərbaycana hər hansı qırıcı dəstələrin göndərilməsini qeydə almayıb.   Bu, coğrafi cəhətdən də mümkün deyil. Türkiyə aviasiyasının öz bazalarından qarşıdurmaların getdiyi rayona zərbə endirmək istədiyi halda bütün Dağlıq Qarabağ ərazisini və ya Ermənistan və ya İran ərazisini raketlərlə vurmalı olduğunu anlamaq üçün xəritəyə baxmaq kifayətdir.

Ankaranın bilavasitə münaqişəyə cəlb edilməsi ilə bağlı istifadə olunan daha bir “dəlil” münaqişə zonasında Türkiyəyə məxsus pilotsuz uçan aparatlar haqqında məlumatlardır. Bu arqument heç də əvvəlkindən daha inandırıcı səslənmir: Türkiyədə istehsal olunan Bayraktar TB12 PUA-ları həqiqətən münaqişədə iştirak edir, amma öz-özlüyündə Azərbaycan HHQ-nin silahları arasında bu aparatların olması faktı sirr deyildi, deyə mk.ru yazır.

Məqalə müəllifi feyklərin yayılması Ermənistan tərəfin vəziyyət gərginləşdiyi andan etibarən bu gərginliyi prezident Recep Tayyip Erdoğanın siyasətinin nəticəsi kimi qələmə verməyə çalışması ilə izah olunur.

Yerevan KİV-ləri və erməni siyasətçilər yalan yaymaqla məşğuldurlar. Sentyabrın 29-da Ermənistanın baş naziri Nikol Paşinyan Moskvanın Birinci Kanalında verilişdə Azərbaycan mağazasında yerli sakinlərlə dalaşan Suriyalı muzdlular haqqında yalan danışıb. Türk və ərəb muzdlular haqqında məlumatlar ciddi təsdiqi olmadan müxtəlif KİV-lərdə dərc edilir.

Məqalədə Putini Yerevanın tərəfində döyüşməyə məcbur etmək məqsədilə yayılan bu feyklərin səmərəliliyi şübhə altına qoyulur. Vəziyyətin Türkiyə-RF münaqişəsi kimi qələmə verilməsi cəhdləri uğursuzluğa məhkumdur.

“Rusiyanın Türkiyə ilə strateji qarşıdurma bəhanəsi ilə regiona hərbi müdaxiləsi perspektivləri minimaldır (onlar haqqında danışmağın yeri varsa). Bir neçə il əvvəl Moskva və Ankara Suriyada vurulmuş Su-24 təyyarəsi ilə bağlı hadisənin nəticələrini aradan qaldırmağa müvəffəq olublar”, deyə mk.ru yazır. -0-