Dmitry Peskov.
Moskva/24.10.20/Turan: Kreml ABŞ prezidenti Donald Trampın Dağlıq Qarabağ məsələsi ilə bağlı "çox yaxşı irəliləyiş" əldə edildiyini dedikdə nə nəzərdə tutduğunu bilmir, bu barədə "RİA Novosti"nin məlumatında deyilir. "Biz hələ bilmirik", - deyə Rusiya prezidentinin mətbuat katibi Dmitri Peskov Kremlin də eyni fikirdə olub-olmaması haqqında suala cavabda bildirib.
Oktyabrın 23-də Tramp jurnalistlərə bildirib ki, Qarabağ üzrə danışıqlarda iştirak edir. "Biz Ermənistanla işləyirik. Ermənistanla çox yaxşı münasibətlərimiz var... Görək, bundan sonra nə olacaq. Düşünürəm ki, çox yaxşı irəliləyiş əldə edilib", deyə Tramp bildirib. O, Ermənistan və Azərbaycan liderləri ilə əlaqə saxlayıb-saxlamadığını dəqiqləşdirməyb. -0-
Siyasət
-
Prezident İlham Əliyev İran İslam Respublikasının milli bayramı – İslam İnqilabının Qələbəsi Günü münasibətilə iranlı həmkarı Məsud Pezeşkiana təbrik məktubu ünvanlayıb.
-
Transparency International-in 2024-cü il Korrupsiya Qavrayışı İndeksi (CPI) korrupsiyanın dünya üzrə davam edən problemlərdən biri olduğunu bir daha vurğulayır və onun idarəetmə, iqtisadi inkişaf və iqlim tədbirləri üzərində dağıdıcı təsirini önə çəkir. CPI 180 ölkəni ictimai sektorda korrupsiyanın qavranılma səviyyəsinə görə qiymətləndirərək 0 (çox korrupsiyalaşmış) ilə 100 (çox şəffaf) arasında bal verir. Son hesabat qlobal ortalama göstəricinin 43 olduğunu və illərdir dəyişmədiyini göstərir. Üstəlik, ölkələrin üçdə ikisindən çoxu 50-dən aşağı bal alıb ki, bu da korrupsiyanın dünya miqyasında ciddi və hələ də həll olunmamış problem olaraq qaldığını sübut edir.
-
"Nezıqar" teleqram kanalının yaydığı məlumata görə, RF Təhlükəsizlik Şurasında müvafiq idarələrin iştirakı ilə "Bakı tərəfindən yaradılan, ölkələr arasında bağlanmış müqavilələrə və sazişlərə, o cümlədən 2022-ci il tarixli Qarşılıqlı Müttəfiqlik Fəaliyyəti haqqında Müqaviləyə zidd olan təcavüzkar gərginliyə" cavab tədbirləri variantları nəzərdən keçirilir.
-
Ötən həftə Azərbaycanda daha iki məşhur jurnalist həbs olunub. Şahnaz Bəylərqızı son aylar həbs edilmiş səkkizinci qadın jurnalist oldu.
Rəy yaz