![Ceyhun Cəfərov](https://turan.az/resized/media/2021/main/102200039920-750-500-resize.webp)
Ceyhun Cəfərov
Kürdəmirin keçmiş icra başçısı 8,5 il azadlıqdan məhrum edilib
Bakı/22.10.21/Turan: Cümə günü Lənkəran Rayon Ağır Cinayətlər Məhkəməsində Kürdəmirin keçmiş icra başçısı Ceyhun Cəfərov və bu rayonun digər məsul şəxslərinin barəsində hökm çıxarılıb.
Belə ki, Ceyhun Cəfərov 8 il 6 ay azadlıqdan məhrum edilib, 2 il 6 ay müddətinə vəzifə tutmaq qadağan olunub.
Digər təqsirləndirilən şəxslər - Tacəddin Novruzov 8,5 il, Natiq Kərimov 8, 5 il, Emin Sadıqov 4 il, Eynulla Novruzov, Məhəmməd Musayev, Mətləb Allahverdiyev, Rəcəb Hüseynov hər biri 8 il, Sərvər Məmmədov 2,6 il azadlıqdan məhrum edilib.
Sözügedən şəxslər korrupsiya, sui-istifadə, vəzifə saxtakarlığı, mənimsəmə və sair üzrə təqsirli biliniblər.
İstintaqın məlumatına görə, təqsirləndirilən şəxslər rayonun tibb müəssisələrindən ümumilikdə 137 min manat (80 min dollar), təhsil müəssisələrindən 120 min manat (70 min dollar), kommunal müəssisədən 58 min manat (35 min dollar), daha bir müəssisədən 71 min manat (41 min dollar) rüşvət alıblar.
Onların hamısı 2020-ci ilin avqustunda Baş Prokuror Yanında Korrupsiyaya Qarşı Mübarizə Baş idarəsinin əməkdaşları tərəfindən saxlanılıb. -02D-
-
- İqtisadiyyat
- 22 Oktyabr 2021 13:49
-
- Cəmiyyət
- 22 Oktyabr 2021 14:07
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz