Laçın və Sünik sərhədindəki vəziyyət dəyişməydib

Bakı/16.05.21/Turan: Ermənistan-Azərbaycan sərhədindəki Syunik və Geqarkunik bölgələrindəki vəziyyət həll olunmamış qalır, 16 may axşamı Azərbaycan Silahlı Qüvvələrinin bölmələri hələ də oradadır. Bu barədə Ermənistan Müdafiə Nazirliyi bazar günü məlumat yayıb.

Eyni mənbəyə görə, "dünən axşam Azərbaycan tərəfi mühəndis işləri keçirməyə çalışıb, amma qarşısı alınıb."

Beləliklə, Rusiya sülhməramlılarının komandiri Rüstəm Muradovun vasitəçiliyi ilə Ermənistan və Azərbaycan hərbçiləri arasında aparılan danışıqlar heç bir nəticə vermədi.

Xatırladaq ki, erməni tərəfi mayın 12-də 240-250 nəfərlik Azərbaycan hərbçilərinin sərhədi pozub , Syunik bölgəsinə 3,5 km irəlilədiyini bildirmişdi.

Növbəti iki gün ərzindnə erməni tərəfi Azərbaycan hərbçilərinin Geqarkunik bölgəsində  daha iki istiqamətdə irəlilədiyini elan etdi.

Öz növbəsində, Azərbaycan Xarici İşlər Nazirliyi Azərbaycan Silahlı Qüvvələrinin öz ərazilərində olduğunu və sərhəd demarkasiyası prosesinin davam etdiyini bildirdi.

Qeyd edək ki, bu ərazilərdə iki ölkənin hərbçiləri praktik olaraq üz-üzə durublar.-02B-