Sərhəd pozucularından birinin kimliyi müəyyən edilmişdir

Bakı/16.05.21/Turan: Mayın 15-də Yardımlı rayonunun Gendərə kəndi yaxınlığındakı sərhəd  zastavasının xidməti sahəsində iki nəfər sərhədçini həlak edən 3 nəfər sərhəd pozucusundan birinin kimliyi müəyyən edilmişdir. Bu barədə mayın 16-da Baş Prokuroluğun mətbuat xidmətinin yaydığı məlumatda deyilir.

Prokurorluğun məlumatında həmin şəxsin İran vətəndaşı Bərgi Həsənəli olduğu  deyilir.

Məlumatda vurğulanır ki, Hərbi Prokurorluq tərəfindən Bərgi Həsənəliyə qarşı Cinayət Məcəlləsinin 120.2.1 maddəsi - qəsdən adamöldürmə, 206.3.2 maddəsi - narkotik madədlərin qaçaqalçılığı, 234.4.3 maddəsi - satış məqsədilə külli miqdarda narkotik madədlətin əld edilməsi, dövlət sərhəddini pozma maddələriə cinayət işi başlanmışdır.

Məlumata görə, istintaq zamanı İran vətəndaşı şübhəli şəxs qismində saxlanılaraq istintaqa cəlb edilmişdir.

Hazırda digər şəxslərin də cinayət məsuliyytinə cəlb olunmaları üçün istintaq-axtarış  tədbirləri davam edir.

Xatırladaq ki, mayın 15-də adı çəkilən zastavanın ərazisində sərhəd pozucuları tərəfindən silah tətbiq edilməsi nəticəsində baş leytenant Samir Eyvazov, kiçik gizir Fərid Alimov həlak olmuşdur. –0—