Açiq mənbələrdən foto.
Bakı/27.08.21/Turan: Lion Apellyasiya Məhkəməsi Fransa şəhərlərinin merlərinin Şuşada və Xocavənddə Qarabağ separatçılarının "administrasiyaları" ilə imzaladıqları sazişlərin ləğv edilməsi barədə birinci instansiya məhkəmələrinin qərarlarını qüvvədə saxlayıb. Bu barədə Azərbaycanın Fransadakı səfirliyi bildirib.
Əsasən Burq-le Valans (5 oktyabr 2014-cü il), Desin-Şarpye (25 sentyabr 2017-ci il) və Sent-Etyen (21 oktyabr 2018-ci il) merlərinin imzaladıqları sazişlər qüvvədə deyil.
Bundan öncə bu qərarlar Grenoble (6 iyun 2019-cu il) və Lionun (19 sentyabr 2019-cu il) inzibati məhkəmələri tərəfindən qanunsuz sayılıb. Lakin erməni lobbisi qərarlardan apellyasiya instansiyasına etiraz edib. Lion Apellyasiya Məhkəməsinin qərarı qətidir və artıq şikayət verilə bilməz.
Fransa məhkəmələri etiraf ediblər ki, merlərin qərarları Fransa Konstitusiyasına ziddir və beynəlxalq öhdəlikləri pozublar. Azərbaycanın Fransadakı səfirliyinin səylərilə Fransa şəhərlərinin Qarabağ separatçıları ilə 10 "xartiya və sazişi" ləğv edilib.
Məhkəmələrdə daha üç qanunsuz xartiya üzrə iddia var. Azərbaycan tərəfi 2020-ci ilin payızında 44 günlük müharibə zamanı qəbul edilmiş daha 13 qanunsuz aktın ləğvi üzrə tədbirlər görür. –06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz