Lora Okla ATƏT-in Minsk Qrupunun – yeni Amerikalı həmsədri

Vaşinqton/28.06.22/Turan: "Endryu Şofer öz vəzifəsini yerinə yetirdi və indi Lora Okla ATƏT-in Minsk qrupunun ABŞ-dan olan həmsədridir", - Dövlət Departamentinin nümayəndəsi çərşənbə axşamı TURANın Vaşinqton müxbirinə bildirib.

“İyunun 21-də xanım Okla Ermənistan və Azərbaycan üçün davamlı sülhün bərqərar olması ilə bağlı Aİ və Fransalı həmkarları ilə görüşmək üçün Brüsselə getdi və iyunun 27-də Fransanın Minsk Qrupunun həmsədri və  ATƏT-in fəaliyyətdə olan sədrinin şəxsi nümayəndəsi ilə telefonla danışdı. Təəssüf ki, rusiyalı həmsədr   Dağlıq Qarabağın gələcəyini müzakirə dəvətini qəbul etmədi”, - deyə həmin mənbə bildirib.

Lora Okla 2022-ci ildən Dövlət Departamentinin Qafqaz İşləri və Regional Münaqişələr İdarəsinin direktoru vəzifəsində çalışıb. O, əvvəllər Ağ Evin Milli Təhlükəsizlik Şurasının Avropa məsələləri üzrə direktoru vəzifəsində çalışıb.

O, karyera diplomatıdır və əvvəllər ABŞ-ın Madriddəki səfirliyində İqtisadi Müşavirin müavini (2017-2020), ABŞ-ın Tbilisidəki səfirliyində daxili siyasət şöbəsinin müdiri (2014-2017)-25B-

Ələkbər Rauf oğlu

Vaşinqton