Emanuel Macron and Nikol Pashinyan
Makron Paşinyanı Azərbaycanla sərhədlərin demarkasiyası zərurətinə inandıra bilmir
Bakı/04.08.21/Turan: Avqustun 3-də Fransa prezidenti Emmanuel Makronun Ermənistan baş naziri Nikol Paşinyanla telefon söhbəti baş tutub.
Ermənistan hökumətinin mətbuat xidmətinin məlumatına görə, Makron Paşinyanı baş nazir vəzifəsinə təyin edilməsi münasibətilə təbrik edib.
Paşinyan Azərbaycanla sərhəddə vəziyyətin gərgin olduğunu bildirib, Bakının regionda sabitliyi pozmaq istədiyini qeyd edib. O, həmçinin Azərbaycanda erməni əsirlərə qarşı “saxta” məhkəmə proseslərindən şikayət edib.
“Makron Ermənistan və Azərbaycan arasında sərhədin demarkasiyasının və delimitasiyasının həddindən artıq zəruri olduğunu vurğulayıb. Bu fikirlə razılaşan Ermənistan baş naziri qeyd edib ki, Ermənistan-Azərbaycan sərhədinin demarkasiyası və Dağlıq Qarabağ münaqişəsinin həlli heç bir şəkildə bir-biri ilə kəsişən proseslər deyil. O, sərhəd boyunca KTMT müşahidəçilər missiyasının yerləşdirilməsi və bu mümkün olmadığı təqdirdə alternativ kimi ATƏT-in Minsk Qrupunun həmsədrlərinin müşahidə missiyasının yaradılması təklifini təkrar edib”, deyə məlumatda bildirilir.
Daha sonra Paşinyan qeyd edib ki, regional təşəbbüslər ATƏT-in Minsk Qrupunun həmsədri olan bütün ölkələr tərəfindən təsdiq edildiyi təqdirdə uğurlu ola bilər.
Bu məlumatdan belə bir nəticə çıxarmaq olar ki, rəsmi Yerevan əvvəlki kimi Moskva, Vaşinqton və Parisin Azərbaycanla sərhədin demarkasiyası zərurəti haqqında çağırışlarını qəbul etmir. Səbəb kimi Yerevan Azərbaycanın ərazi bütövlüyünü və deməli, Qarabağın Azərbaycana məxsus olduğunu qəbul etməyin qeyri-mümkün olmasını göstərir. -02D-
Siyasət
-
Amnesty İnternational Azərbaycan prezidentinə iqtisadçı və siyasi fəal Qubad İbadoğlunu dərhal azad etmək çağırışı yer alan məktubla müraciət edib.
-
Azərbaycan prezidenti İlham Əliyev İranın şimalında İran prezidenti İbrahim Rəisinin, xarici işlər naziri Hüseyn Əmir Abdullahiyanın və digər müşayiət edən şəxslərin helikopter qəzasında faciəli surətdə həlak olması ilə əlaqədar İranın ali dini lideri Əli Xameneiyə başsağlığı verib.
-
Ayətullah Seyid İbrahim Rəisi və İran İslam Respublikasının 8-ci Prezidenti –bazar günü, mayın 19-u axşamüstü Qız Qalası bəndinin açılış mərasimindən Təbriz şəhərinə qayıdarkən Şərqi Azərbaycan əyalətinin Vərziqan bölgəsində hava qəzası keçirib– onu müşayən edən nümayəndə heyəti ilə birlikdə yüksək şəhidlik məqamına nail olmuşdur.
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
Rəy yaz