Makron və Putin Rusiya, Azərbaycan və Ermənistan liderlərinin görüşü ərəfəsində Qarabağı müzakirə ediblər

Bakı/10.01.20 / ATƏT-in Minsk Qrupu həmsədrlərinin fəaliyyətinin əlaqələndirilməsi çərçivəsində Vladimir Putin Fransa Respublikasının Prezidenti Emmanuel Makron ilə telefon danışığı aparmış, bu söhbət zamanı yanvarın 11-də Moskvada Rusiya, Azərbaycan və Ermənistan liderlərinin üçtərəfli görüşü ilə bağlı bəzi məsələləri müzakirə etmişdir. 9 noyabr 2020-ci il tarixli birgə bəyanatın ardıcıl olaraq gerçəkləşdirilməsi və Dağlıq Qarabağ ətrafında vəziyyətin sabitləşdirilməsi nəzərə alınaraq qeyd edilib ki, ilk növbədə, bu görüşdə regionda sülh şəraitində yaşayışın qurulması istiqamətində atılan addımların nəzərdən keçirilməsi nəzərdə tutulur.

Fransa prezidenti Rusiyanın Dağlıq Qarabağ münaqişəsinin nizamlanmasına yardım etmək səylərinə dəstək verib. Döyüşdən zərər çəkmiş əhaliyə, o cümlədən profil üzrə beynəlxalq təşkilatların xətti ilə təxirəsalınmaz humanitar yardımın göstərilməsinin vacibliyi vurğulanıb.

Vladimir Putin və Emmanuel Macron bir-birlərini Milad və yeni il bayramları münasibətilə təbrik etdilər.

Müxtəlif səviyyələrdə əlaqələrin davam etdirilməsi barədə razılığa gəlinib, RF Prezidentinin saytı xəbər verir.-0—