Moskva/21.11.18/Turan: MDB ölkələri "İslam dövləti", "Əl-Qaidə" beynəlxalq terror təşkilatları və Əfqanıstan, Pakistan və Yaxın Şərqdə onlara yaxın olan qurumlarla bağlı vəziyyət haqqında analitik məlumat mübadiləsi aparırlar. Bu barədə RF Təhlükəsizlik Şurasının katibi Nikolay Patruşev çərşənbə günü Moskvada açılan MDB ölkələrinin Təhlükəsizlik Şurası katiblərinin görüşünü şərh edərkən bildirib.
Görüş iştirakçıları terror fəaliyyətinin maliyyələşdirilməsinin və cinayətkar yolla əldə edilmiş gəlirlərin leqallaşdırılmasının qarşısının alınması üzrə birgə işin istiqamətlərini müzakirə edirlər. Həmçinin, görüşün gündəliyinə MDB məkanında regional təhlükəsizliyin təmil edilməsi ilə bağlı digər aktual məsələlər daxil edilib, deyə rəsmi məlumatda bildirilir.
"Nikolay Patruşev qeyd edib ki, 2017-ci ildə ilk belə görüşün keçirildiyi andan etibarən MDB dövlətləri islam terrorçuları haqqında analitik məlumat mübadiləsi təşkil ediblər.
Azərbaycan adından görüşdə Təhlükəsizlik Şurasının sədri Ramiz Mehdiyev və Prezident Administrasiyasının hüquq-mühafizə orqanları şöbəsinin müdiri Fuad Ələsgərov iştirak edirlər. -02D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz