Bakı/20.04.18/Turan: Mədəniyyət və Turizm Nazirliyinin əsasında Mədəniyyət Nazirliyi və Dövlət Turizm Agentliyi yaradılır.
Prezident İlham Əliyev aprelin 20-də bununla bağlı sərəncam imzalayıb.
Sərəncamda deyilir ki, məqsəd mədəniyyət və turizm sahəsində dövlət idarəçiliyinin təkmilləşdirilməsidir.
Sənəddə Nazirlər Kabinetinə göstəriş verilib ki, nazirliyin və agentliyin əsasnamələrinin layihələrini, strukturları və işçilərinin say həddi barədə təklifləri hazırlayıb, bir ay müddətində prezidentə təqdim etsin.
Dövlət Turizm Agentliyinin 2018-ci ildə fəaliyyəti 2018-ci il dövlət büdcəsindən Mədəniyyət və Turizm Nazirliyi üçün nəzərdə tutulmuş vəsait çərçivəsində maliyyələşəcək.
Mədəniyyət və Turizm Nazirliyi Azərbaycan prezidentinin sərəncamı ilə 2006-cı ildə yaradılmışdı. Həmin sərəncamla Mədəniyyət Nazirliyi və Gənclər, İdman və Turizm Nazirliyi ləğv edilmiş, Mədəniyyət Nazirliyinin əsasında Mədəniyyət və Turizm Nazirliyi yaradılmışdı.
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz