Açiq mənbələrdən foto.
Media haqqında qanun layihəsi ictimaiyyətin müzakirəsinə təqdim ediləcək
Bakı/03.07.21/Turan: Bu gün, iyulun 3-də Medianın İnkişafı Agentliyinin direktoru Əhməd İsmayılovun və Turan İnformasiya Agentliyinin direktoru Mehman Əliyevin media haqqında hazırlanan qanun layihəsi ilə bağlı söhbəti baş tutub.
Dünən Əliyev İsmayılova bir neçə aydır dar çərçivədə müzakirə olunan qanun layihəsinin geniş ictimai müzakirələrinə başlamaq məqsədilə media haqqında qanunun layihəsini yayımlamaq çağırışı ilə məktub göndərib.
Əliyev hesab edir ki, informasiya fəaliyyəti artıq dar peşəkar jurnalistika çərçivəsindən kənara çıxıb və ictimai həyatın bir hissəsinə çevrilib, buna görə də dövlətin, cəmiyyətin və mətbuatın informasiya münasibətlərini tənzimləyən qanunun hazırlanması zamanı ictimai maraqlar və tələblər nəzərə alınmalıdır.
İsmayılov və Əliyev gələn həftə media haqqında qanun layihəsi ilə bağlı məsələlərin müzakirəsi məqsədilə görüşmək barədə razılığa gəliblər.
İsmayılov qeyd edib ki, qanun layihəsi ekspertlər tərəfindən qiymətləndirildikdən və tamamlandıqdan sonra, planlaşdırıldığı kimi, mütləq ictimaiyyətin müzakirəsinə təqdim ediləcək. -0-
-
- Söz istəyirəm
- 3 İyul 2021 11:40
Siyasət
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
Rəy yaz