Баку/29.01.20/Turan: Yanvarın 29-da Cenevrədə ATƏT-in Minsk Qrupu həmsədrlərinin və ATƏT-in fəaliyyətdə olan sədrinin şəxsi nümayəndəsinin vasitəçiliyi ilə Azərbaycan və Ermənistan XİN rəhbərlərinin görüşü yeddi saat davam edib. Bu barədə Azərbaycan XİN mətbuat xidmətinin rəhbəri Leyla Abdullayeva Twitter səhifəsində yazıb.
“Tərəflər və həmsədrlər danışıqların intensivləşməsininə və danışıqlarda bütün məsələlərlə bağlı nəzərəçarpan nəticələrin əldə olunmasına tərəfdardır. Danışıqlar sabah davam edəcək”, - L. Abdullayeva qeyd edib.
Öz növbəsində Ermənistan XİN mətbuat xidməti görüşün məzmunu ilə bağlı geniş məlumat verməyərək bildirib ki, ATƏT-in Minsk Qrupu həmsədrləri danışıqların yekunları ilə bağlı bəyanat verəcəklər.-0-
Siyasət
-
Dekabrın 13-də 1 saylı Bakı İstintaq Təcridxanasında vəkil Elçin Sadıqova müdafiə etdiyi şəxs, “Meydan” TV-nin jurnalisti Aynur Elgünəşlə görüş verilməyib. Bu barədə Turan-a vəkil bildirib.
-
Bu ilin noyabr-dekabr aylarında Baş Prokurorluq kənd təsərrüfatı məhsullarının ixracı ilə məşğul olan şirkətlərə qarşı ondan çox cinayət işinin açıldığını və onların sahiblərinin həbs olunduğunu bildirib. Eyni zamanda, xarici banklarda "gizlədilmiş" böyük məbləğdə valyutadan söhbət gedib.
-
15 dekabr 2024-cü il tarixindən Azərbaycanın İrandakı səfirliyinin konsulluq şöbəsi öz fəaliyyətini bərpa edəcək. Bu barədə Azərbaycan Xarici İşlər Nazirliyinin məlumatında deyilir.
-
Cümə günü Azərbaycan Silahlı Qüvvələri Baş Qərargah rəisi Kərim Vəliyev NATO Müdafiə Kollecinin komandanı Maks Nielsenin rəhbərlik etdiyi nümayəndə heyətini qəbul edib.
Rəy yaz