Bakı/06.12.19/Turan: Ermənistan humanitar məsələlərin həllindən, xüsusən əsirlərin "hamı hamı ilə" prinsipi ilə mübadiləsindən imtina edir. Bu barədə Azərbaycan XİN başçısı Elmar Məmmədyarov dekabrın 5-də Bratislavada ATƏT XİN Şurasının iclasında çıxış edərkən bildirib.
Onun sözlərinə görə, Milanda Ermənistan naziri ilə görüşdən sonra ötən il ərzində Qarabağ münaqişəsinin nizamlanmasında irəliləyiş müşahidə olunmayıb.
Məmmədyarovun sözlərinə görə, ötən il ərzində Ermənistan hakimiyyəti danışıqların pozulmasına yönəlmiş təxribat xarakterli bəyanatlar səsləndirib. Xüsusən, Qarabağ ermənilərini tərəfə çevirməyə çalışaraq və Qarabağın azərbaycanı icması amilini inkar edərək, danışıqların formatını dəyişdirmək cəhdləri bitmək bilməyib.
Bakının iki erməni hərbi əsirinin - Karen Kazaryan və Araik Kazaryanın Qarabağda mühakimə edilmiş azərbaycanlılar - Dilqəm Əsgərov və Şahbaz Quliyevlə dəyişdirilməsi haqqında dəfələrlə irəli sürdüyü təkliflər rədd edilib, deyə nazir bildirib. -02D-
Siyasət
-
Azərbaycan Prezidenti İlham Əliyev noyabrın 25-də Amerika Birləşmiş Ştatlarının Prezidenti Donald Trampa zəng edib.
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Səhiyyə Nazirliyinin İctimai Səhiyyə və İslahatlar Mərkəzi publik hüquqi şəxsin mülki müdafiə qərargahının rəisi, hərbi ekspert Ədalət Verdiyev həbs edilib.
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
Rəy yaz