Meriya Müsavat Partiyasına yenə �yox� dedi

Bakı/03.04.19/Turan: Bakı Şəhər İcra Hakimiyyəti (BŞİH) Müsavat Partiyasının aprelin 7-də mitinq-yürüş keçirməklə bağlı müracətini mənfi cavablandırıb. Bu barədə Müsavat Partiyası Mərkəzi icra Aparatının rəhbəri Gülağa Aslanlı bildirib.

"Biz mitinq-yürüş keçirilməsi üçün üç ünvan göstərmişdik: metronun "20 Yanvar" stansiyası yaxınlığından Məhsul stadionuna yürüş, sonunda mitinq; ikinci marşrut metronun "Azadlıq " stansiyasından "Dərnəgül stansiyasına kimi yürüş və Tofiq Bəhramov adına stadionun qarşısındakı meydanda mitinq".

G.Aslanlı deyir ki, bu marşrutların heç birinə razılıq veriməyib: "İcazə verməməyə səbəb kimi bu məkanların sıx nəqliyyat hərəkətli məkan olması göstərilir. Bundan əlavə, daha bir səbəb kimi aprelin 7-də qəbul imtahanlarının keçirilməsi göstərilir.

G.Aslanlı aksiyanın keçirilməsinə icazə verilməməsini Azərbaycan hökumətinin növbəti qanunsuz addımı, sərbsət toplaşmaq azadlığını tanımaq istəməməsi kimi dəyərləndirir.

Mərkəzi icra Aparatının rəhbəri bildirib ki, aksiyanın "Qarabağ", "Siyasi məhbuslara azadlıq", "Korrupsiya və talana yox" şüarları altında keçirilməsi nəzərdə tutulurdu.

Xatırladaq ki, sonuncu dəfə Bakıda Milli Şuraya daxil olan siyasi və ictimai qurumlar bu il yanvarın 19-da mitinq keçirib və mitinq izdihamlı olub. Bakı Şəhər Baş Polis İdarəsi mitinqdən dərhal sonra əvvəlcə məlumat yayıb ki, aksiya qanun çərçivəsində keçirilib. Amma yanvarın 21-də yaydığı təkrar məlumatda isə bildirirdi ki, aksiya qanun pozuntuları ilə keçirilib, mitinq keçirilən məkana yaxın yerlərdə əhalinin istirahətinə və iş adamlarının fəaliyyətinə maneçilik töprədib.

Bu məzmunla Bakı Şəhər İcra Hakmiyyətinə aksiyalara icazə verməmək tövsiyəsi ünvanlayıb. Həmin vaxtdan bu yana müxalif qüvvələrin aksiyalar keçirmək müraciətləri mənfi cavablandırılır. -0-

Rəy yaz

Siyasət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti