Bakı/06.02.20/Turan: Azərbaycan vətəndaşları olan Qarabağ erməniləri 9 fevral parlament seçkilərində iştirak edə bilər. Bu bəyanatla Azərbaycan MSK-nın rəhbəri Məzahir Pənahov fevralın 5-də MSK-nın iclasında çıxış edib.
Onun sözlərinə görə, MSK Qarabağ ermənilərinin öz iradələrini azad ifadə etmələri üçün hər cür şərait yaratmağa hazırdır.
Eyni zamanda M.Pənahov Qarabağ ermənilərinin bunu etmək istədikləri halda necə və harada səs verə biləcəklərini konkretləşdirməyib.
MSK rəhbərinin açıqlamasını şərh edən hüquq sahəsində ekspert Ələsgər Məmmədli deyib ki, bu, praktik olaraq mümkün deyil.
İşğal olunmuş torpaqlar hüquqi baxımdan Azərbaycanın beynəlxalq səviyyədə tanınan əraziləridir. Lakin bu ərazilərin sakinləri işğalçı rejimin idarəçiliyi altındadır və onların seçkilərdə iştirakına əsas ola biləcək Azərbaycan vətəndaşlığını təsdiqləyən sənədləri yoxdur.
Bundan əlavə, onların bunu etmək istədikləri halda səs verə bilmələri üçün seçki məntəqələri yoxdur. 02/06D--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz