![Milli Şura Əli Kərimlinin internet və telefon əlaqələrinin kəsilməsini pisləyib](https://turan.az/resized/media/2020/main/041500025898-750-500-resize.webp)
Milli Şura Əli Kərimlinin internet və telefon əlaqələrinin kəsilməsini pisləyib
Bakı/15.04.20/Turan: Demokratik Qüvvələrin Milli Şurası öz bəyanatında AXCP sədri Əli Kərimlinin internet və telefon əlaqələrinin kəsilməsini pisləyib və bunu müxalifət liderinə qarşı senzura kimi qiymətləndirib.
DQMŞ internetdə Əli Kərimlinin və müxalifətin adından xalqa "silahlanaraq küçəyə çıxmaq" çağırışları yayılmasını "hakimiyyətin təxribatı" adlandırıb.
"Milli Şura Azərbaycan hakimiyyətini bir daha məsuliyyət hissini itirməməyə, belə təxtibatçı hərəkətlərlə cəmiyyətdə gərginliyi artırmaqdan, özünə qarşı xalqın qəzəb və nifrətini, beynəlxalq birliyin neqativ münasibətini gücləndirməkdən çəkinməyə səsləyir", deyə bəyanatda qeyd edilir.
Daha sonra deyilir ki, hakimiyyət qlobal pandemiya ilə mübarizə dövrünü özü üçün müxalifəti və tənqidçi səsləri tamam sıradan çıxarmaq fürsətinə çevirmək niyyətindən imtina etməlidir. Nəzərə almalıdır ki, bu dövrdə məhz bu istiqamətdə artıq indiyədək atdığı addımlar onu həm Azərbaycan cəmiyyətinin, həm də dünya birliyinin gözündən bir az da salmağa kifayət edib və bu siyasətin davam etdirilməsi onu tamamilə diskreditasiya etməkdən başqa nəticə doğurmayacaq.
Milli Şura Azərbaycan xalqını hakimiyyətin təxribatları qarşısında sayıq olmağa, indiki karantin günlərində istənilən halda rejim qaydalarına əməl etməyə, ilk növbədə hər bir fərdimizin sağlamlığı qayğısına qalmağa, eyni zamanda qayda və qanunlar çərçivəsində bütün dinc vasitələrlə hakimiyyətdən fundamental hüquq və haqlarını tələb etməyə səsləyir.
Milli Şura həmçinin beynəlxalq birliyi Azərbaycan hakimiyyətini tutduğu bu yanlış yoldan çəkindirmək, onun anti-xalq və anti-bəşəri siyasətinə son qoymaq üçün daha təsirli vasitələrdən istifadəyə çağırır. -0-
-
- Maliyyə
- 15 Aprel 2020 14:43
-
- İqtisadiyyat
- 15 Aprel 2020 15:26
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz