Demokratik Qüvvələrin Milli Şurası (DQMŞ) bazar ertəsi Xalq Cəbhəsi Partiyası (AXCP) üzvlərinin kütləvi həbsi və partiya ofisindəki partlayışla bağlı etiraz bəyanatı yayıb.
Sənəddə son vaxtlar AXCP-çi gənclərə qarşı amansız təzyiqlər başladığı qeyd edilir. Təqib və repressiyalar partiyanın artan nüfuzu, cəmiyyətdə siyasi güc mərkəzinə dönməsilə əlaqələndirilir. Müəlliflərə görə, iqtidar gəncləri siyasi fəallıqdan çəkindirmək üçün partiya üzvlərinə qarşı yeni həbslər dalğasına start verib. Müəlliflər 10-a yaxın cəbhəçi gəncin saxlanılması və təqib edilməsi faktını müxalifətə qarşı repressiyaların yeni dalğası sayır. Baş verən həbslərin heç bir hüquqi izahı olmadığı deyilir. Bütün bunlar Ukraynada xalqın qələbəsindən xofa düşən Əliyev rejiminin ciddi narahatlığının təzahürü hesab edilir.
AXCP ofisində törədilən partlayış partiyaya qarşı təxribat adlandırılır. İqtidarın AXCP-ni uzun müddət ofisdən məhrum etməsi xatırladılaraq, bundan sonrakı addım kimi partlayışın səbəbini araşdırmaq bəhanəsilə ofisi “bağlayacağı” proqnozu verir. Bu addım iqtidarın təkcə AXCP-yə qarşı yox, həm də MŞ-yə qarşı barışmaz olması kimi dəyərləndirilir. AXCP ofisindəki partlayış təsadüfi sayılmır. Müəlliflər AXCP-yə qarşı baş verənləri siyasi fəaliyyət haqqında ölkə qanunları və beynəlxalq konvensiyaların kobud surətdə pozulması sayırlar.
Partiya üzvü olan gənclərin kütləvi həbsi, ofisdəki şübhəli partlayış, AXCP sədri Əli Kərimlinin xarici pasportdan məhrum edilməsi, partiyaya qarşı total təqib ölkədə avtoritar idarəetmə və ötən ilin 9 oktyabrında hakimiyyətin yenidən mənimsənilməsinin göstəricisi kimi şərh edilir. Müəlliflərə görə ərazisinin 20%-i işğal edilən bir ölkə daxilində düşmən axtarışı Əliyev rejiminin anti-milli mahiyyətindən xəbər verir.
Müəlliflər iqtidara repessiv addımlarla xalqın nifrətini qazanacağını xatırladır və dəyişən dünyadan dərs almağa çağırır. Ukraynadakı korrupsioner rejimin xalqın önündə rəzil duruma düşməsini yadına salır. Son olaraq MŞ iqtidarı qanunsuz əməllərdən çəkinməyə, gənc siyasi fəallara qarşı həbs və repressiyalara son qoymağa, qanunun aliliyinə hörmətlə yanaşmağa çağırır. -05D-
Siyasət
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
Rəy yaz