Bakı/25.10.19/Turan: Milli Şura noyabrın 2-də saat 15-də mitinq keçirmək barədə qərar qəbul edib.
Bu barədə Azərbaycan Xalq Cəbhəsi Partiyasının sədri Əli Kərimli Osmanqızı TV-nin canlı efirində bildirib.
Onun sözlərinə görə, Milli Şura mitinqin Məhsul stadionunda və ya 28 May metro stansiyasının qarşısındakı meydanda keçirməyi təklif edib.
“Biz kompromisə gedib, mitinqimizi Məhsul stadionunda keçirə bilərik. Hökumət Məhsul stadionuna razılıq verməsə yenə də mitinqi 28 May metrosunun qarşısında keçirəcəyik,” AXCP sədri qeyd edib.
Kərmili Milli Şuranın mitinq qərarının Azərbaycan xalqının iradəsinin nəticəsi olduğunu deyib.
“Biz bu qəraraı Azərbaycan xalqının sosial şəbəkələrdə dəstəyini hiss edərək verdik. Kifayət qədər çox adam mitinq tələb edir. Yeni bir xalq hərəkatının başlanmasını hiss etməkdəyik," o bildirib.
Bakı meriyası bu il yanvarın 19-da Milli Şuranın keçirdiyi mitinqdən sonra kütləvi aksiyalara razılıq verməyib.
Milli Şuranın son müraciətlərinə cavabda isə meriya mitinqin Bakıdan 20 kilometr aralıda yerləşən Lökbatan qəsəbəsində keçirilməsinə razılıq verilib. Lakin Milli Şura bu təklifdən imtina edərək, oktyabrın 19-da şəhərin mərkəzi hissəsində, 28 May metro stansiyasının qarşısında aksiya keçirməyə cəhd edib.
Cəhdin qarşısı polis tərəfindən güc tətbiq edərək alınıb, yüzlərlə insan saxlanılıb. 30-dan çox insan inzibati qaydada həbsə məhkum edilib.-0-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz