Bakı/31.01.20/Turan: Bu gün AXCP fəalları Novxanı qəsəbəsində AXC-nin qurucusu Məhəmməd Əmin Rəsulzadənin 136 illiyinə həsr olunmuş aksiya keçiriblər.
Rəsulzadənin abidəsi önündə keçirilən mitinqdə çıxış edən AXCP sədri Əli Kərimli ölkədə dövlət institutlarının qurulmasında və formalaşmasında AXC qurucusunun xidmətlərindən danışıb.
“Azərbaycan Xalq Cümhuriyyəti mövcud olduğu iki ildə (1918-1920-ci illər ) dövləti sağlam təməl üzərində quruldu. Elə dövlət institutları formalaşdırıldı ki, bu institutlar bu gün də, gələcəkdə də nümunə olacaq xalq hakimiyyəti, demokratiya modelidir”, - Ə.Kərimli qeyd edib.
Əli Kərimli bildirib ki, Rəsuzladə təkcə keçmiş deyil, o həm də ölkənin gedəcəyi gələcəkdir.
“O həm də bizi sülalə hakimiyyətindən cümhuriyyətə, respublikaçılığa qaytaracaq bir simvoldur. O deyir ki, cümhuriyyət quran insan tiranlığa dözə bilməz. Biz tezliklə cümhuriyyətimizi quracaq, Rəsulzadə yoluna dönəcəyik”, - AXCP sədri vurğulayıb.-03B-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz