Açiq mənbələrdən foto.
Bakı/02.08.22/Turan: Avqustun 2-də Ermənistan və Rusiya Xarici İşlər Nazirlikləri rəhbərləri arasında telefon danışığı olub.
Rusiya Xarici İşlər Nazirliyi mətbuat xidmətinin məlumatına görə, tərəflər 9 noyabr 2020-ci il, 11 yanvar və 26 noyabr 2021-ci il tarixli üçtərəfli razılaşmaların yüksək səviyyədə həyata keçirilməsinin gedişini müzakirə ediblər.
“Onların hərtərəfli və səmərəli icrasına, əsasən Cənubi Qafqazda nəqliyyat və iqtisadi əlaqələrin açılması üzrə layihə fəaliyyətinin işə salınması, Ermənistan-Azərbaycan sərhədinin delimitasiyası, Yerevanla Bakı arasında münasibətlərin normallaşdırılması baxımından sadiqlik təsdiq edilib”, - Rusiya Xarici İşlər Nazirliyinin məlumatında deyilir.
Öz növbəsində Ermənistan Xarici İşlər Nazirliyi bildirib ki, Mirzoyan və Lavrov həmçinin "regionda təhlükəsizliklə bağlı mövcud vəziyyəti" də müzakirə ediblər.
"44 günlük müharibə nəticəsində yaranmış humanitar problemlərlə bağlı fikir mübadiləsi aparılıb. Bu kontekstdə erməni hərbi əsirlərin və saxlanılan digər şəxslərin azad edilməsinin və qaytarılmasının vacibliyi qarşılıqlı şəkildə qeyd edilib", - Ermənistan Xarici İşlər Nazirliyinin məlumatında deyilir. 02D
Siyasət
-
Xarici kəşfiyyatın xeyrinə casusluqda ittiham olunan Azərbaycan vətəndaşı Azər Bağırov cinayət məsuliyyətinə cəlb edilib.
-
Prezident İlham Əliyev İran İslam Respublikasının milli bayramı – İslam İnqilabının Qələbəsi Günü münasibətilə iranlı həmkarı Məsud Pezeşkiana təbrik məktubu ünvanlayıb.
-
Transparency International-in 2024-cü il Korrupsiya Qavrayışı İndeksi (CPI) korrupsiyanın dünya üzrə davam edən problemlərdən biri olduğunu bir daha vurğulayır və onun idarəetmə, iqtisadi inkişaf və iqlim tədbirləri üzərində dağıdıcı təsirini önə çəkir. CPI 180 ölkəni ictimai sektorda korrupsiyanın qavranılma səviyyəsinə görə qiymətləndirərək 0 (çox korrupsiyalaşmış) ilə 100 (çox şəffaf) arasında bal verir. Son hesabat qlobal ortalama göstəricinin 43 olduğunu və illərdir dəyişmədiyini göstərir. Üstəlik, ölkələrin üçdə ikisindən çoxu 50-dən aşağı bal alıb ki, bu da korrupsiyanın dünya miqyasında ciddi və hələ də həll olunmamış problem olaraq qaldığını sübut edir.
-
"Nezıqar" teleqram kanalının yaydığı məlumata görə, RF Təhlükəsizlik Şurasında müvafiq idarələrin iştirakı ilə "Bakı tərəfindən yaradılan, ölkələr arasında bağlanmış müqavilələrə və sazişlərə, o cümlədən 2022-ci il tarixli Qarşılıqlı Müttəfiqlik Fəaliyyəti haqqında Müqaviləyə zidd olan təcavüzkar gərginliyə" cavab tədbirləri variantları nəzərdən keçirilir.
Rəy yaz