![Sergei Lavrov.](https://turan.az/resized/750/500/resize/media/2021/main/111900041137.jpg)
Sergei Lavrov.
Moskva hesab edir ki, Paşinyan üçtərəfli sazişə razılaşacaq
Moskva/19.11.21/Turan: ATƏT Minsk Qrupu həmsədrlərinin timsalında Ermənistan və Azərbaycanın mövqelərinin yaxınlaşması işində səylərini əsirgəmir. Bu barədə cümə günü Moskvada ATƏT-in fəaliyyətdə olan sədri və İsveçin xarici işlər naziri Ann Linde Rusiya Xarici İşlər Nazirliyinin rəhbəri Sergey Lavrovla birgə mətbuat konfransında bildirib.
"Eyni zamanda, bu günlərdə atəşkəsin əldə olunmasında, eləcə də bir il öncə sülh sazişinin bağlanmasında Rusiyanın rolunu yüksək qiymətləndirmək istəyirəm", - o deyib.
Linde qeyd edib ki, son günlər iki dəfə Ermənistan və Azərbaycan xarici işlər nazirləri ilə danışıb. "Biz bu münaqişənin həlli üçün bütün mümkün vasitələrdən istifadə etməyə çalışırıq və bu məsələdə Rusiya ilə sıx işləyirik", - o qeyd edib.
Öz növbəsində Sergey Lavrov Rusiya, Azərbaycan və Ermənistan liderlərinin öncə anons edilmiş görüşünün niyə baş tutmaması barədə suala cavab olaraq belə görüş üçün konsensusun lazım olduğunu təsdiqləyib. "Görüşün keçirilməsi üçün görüşə hazırlaşan bütün şəxslərin buna razılıq verməsi lazımdır. Mən əminəm ki, belə görüş keçiriləcək", - Lavrov deyib, ancaq 9 noyabr görüşünə kimi razı olmadığını dəqiqləşdirməyib.
Qeyd edək ki, bundan öncə Ermənistanın baş naziri Nikol Paşinyan işarə edib ki, üçtərəfli görüş olmayacaq, çünki imzalanmaya təqdim olunan sənədlər - Azərbaycanla sülh müqaviləsi, Ermənistanla Azərbaycan arasında sərhədlərin delimitasiyası və demarkasiyası haqqında saziş – Ermənistanı qane etmir.
Məhz bu bəyanatdan sonra Ermənistan-Azərbaycan sərhədində vəziyyət gərginləşib və Ermənistan üçün növbəti insan və ərazi itkilərilə nəticələnib.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz